Amôt 9:5 - Nau Brah Ndu Ngơi 2023

⁵ Yorlah Kôranh Brah jêng Brah Yêhôva ma phung tahan, Nơm pah bi neh ntu jêh ri păng lêk hoch, Lĕ rngôch phung ƀon lan gŭ tâm păng mra nhĭm vơl; Lĕ bri dak mra hao lip ler nâm bu dak krong Nil Jêh ri djoh hŭch nâm bu dak krong n'gor bri Êjipt

Amôt 9:5 Iomraidhean Croise

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 144:5

Ơ Brah Yêhôva, dăn May n'glưh lĕ ndâr trôk jêh ri jŭr hom, Pah tât ta phung yôk jêh ri khân păng mra luh nhhŭk ŭnh.

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 97:5

Phung yôk lêk hoch nâm bu mpêt tanăp Brah Yêhôva, Tanăp Kôranh Brah ma lĕ rngôch neh ntu.

Êsai 64:1

Ơ! Ueh lơn ma May hêk lĕ ndâr trôk jêh ri jŭr văch, Ƀư ma yôk n'gơ n'găr tanăp May;

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Amôt 8:8

Neh mra rung răng yor nau kan nây lĕ? Jêh ri lĕ rngôch ƀon lan gŭ ta nây mâu mra nhĭm nhhiăng lĕ? Lĕ bri neh mra hao ler lip nâm bu dak krong Nil, Păng mra mpât n'gơ jêh ri rhuh hŭch nâm bu dak krong n'gor bri Êjipt nây lĕ.”

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Mathay 7:27

Geh mih, dak lêng lip tât, sial khôm ktang mra ƀư ma ngih nây rlâm, roh rai âk ngăn.”

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.