Amôt 9:11 - Nau Brah Ndu Ngơi 2023

¹¹ “Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Amôt 9:11 Iomraidhean Croise

Ndrom Samƀŭt bơh Yôp 1:10

Mâu di bơh may hŏ ndâk n'gar king n'gang jŭm păng jêh ri rnăk vâl nđâp ma lĕ rngôch drăp ndơ păng ƀơh? May hŏ ăn nau ueh uĭn tâm kan ti păng pah jêh ri ƀư ma drăp ndơ păng bêng lam neh.

Nau Mprơ Ơm 143:5

Gâp kah gĭt tay ma lĕ nar rnôk kăl e, Gâp gŭ mĭn ma lĕ rngôch kan May ƀư Jêh ri gŭ mĭn ma kan ti May.

Nau Mprơ Ơm 80:12

Mâm ƀư May ƀư rai n'gar păng Gay ma phung prot ta nây pĕ lơi play păng?

Nau Mprơ Ơm 89:40

May hŏ ƀư cha lôt lĕ jêh mpêr ƀon păng, Ƀư rai lĕ pôih n'gang păng.

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Yêrêmi 18:9

Ăt geh tơ̆ Gâp mbơh nau ndâk njêng păng, brôi tăm du bri dak mâu lah du ƀon bri hađăch êng nây,

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Yêrêmi 46:26

Gâp mra jao khân păng ma ti nơm joi nkhĭt lơi nau rêh khân păng, tâm ti Y-Nêbukatnetsar, hađăch Babilôn, tâm ti phung kôranh tahan păng. Ƀiălah, rlet pakơi ta bri Êjipt mra hôm geh đŏng ƀon lan plơ̆ gŭ nâm bu rnôk saơm.” Brah Yêhôva lah pônây.

Nau Nhĭm Vơl 5:21

Ơ Brah Yêhôva, njêng tay hom hên gay ma hên dơi plơ̆ sĭt tay! Dăn ƀư mhe tay nar khay hên nâm bu kăl e!

Êsêkiêl 17:24

Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mika 7:11

Nar ndâk tay mpêr ƀon mra tât, Jêng nar pơk huy n'har bri.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Sakari 12:7

Brah Yêhôva mra tâm rklaih lor lơn phung vâl bok Yuđa gay ma nau chrêk ma lơp ngih Y-Đavit jêh ri nau chrêk ma lơp phung ƀon lan gŭ ta ƀon Yêrusalem mâu dơi rlau ôh nau chrêk rmah phung Yuđa.

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Sakari 6:12

Ăn may lah ma păng pô aơ Brah Yêhôva ma phung tahan lah: ‘Aơ geh du huê bunuyh amoh păng jêng Nkeh Nse mra chăt nse bơh ntŭk păng. Nơm nây mra ndâk ngih Brah Yêhôva.

Nau Kơp Bunuyh 24:18

Bu mra pit sŏk Êđôm, Sêir jêng phung rlăng, bu mra tŭn jot, Ƀiălah Israel mra dơi ma nau janh ktang.