Amôt 8:9 - Nau Brah Ndu Ngơi 2023

⁹ Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Amôt 8:9 Iomraidhean Croise

Ndrom Samƀŭt bơh Yôp 5:14

Dôl nôk nar khân păng mâp nau ngo klĕng, Dôl nar nklang bôk khân păng rvơ but nâm bu ngo klong măng.

Êsai 13:10

Rnôk nây, lĕ mănh mbing tâm trôk jêh ri lĕ rngôch mănh ang tâm trôk Mâu mra nchrat ang ôh; Nar mhe pơ luh jêng ngo ro, Jêh ri khay mâu hôm nchrat ang ôh.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 15:9

Du huê bu ur deh pơh kon păng saơ huăr rgănh, Roh n'hâm kêng lôch; Nar păng hŏ nhâp nklang nôk nar; Muh măt păng bêk prêng ngăn. Bi ma phung bunuyh hôm klen gŭ rêh Gâp mra jao ăn ma đao phung rlăng.” Brah Yêhôva lah pônây.

Êsêkiêl 32:7

Tơlah Gâp buh nhhât may Gâp mra nkŭm lĕ ndâr trôk, Jêh ri ăn phung mănh klơ trôk jêng ngo klĕng; Nkŭm nar ma ndâr tŭk, Jêh ri khay mâu mra hôm nchrat ang đŏng ôh.

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 5:8

Joi hom Nơm hŏ rhăk njêng rchuăl mănh Plêat jêh ri mănh Ôrlon; Rgâl nau ngo klĕng jêng ơm ôi, Rgâl nôk nar jêng măng krăk, Kuăl dak mƀŭt Jêh ri nkhŭt păng ta klơ neh; Amoh Păng jêng Brah Yêhôva.

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Sakari 14:7

Êng ngăn tâm du nar nây knŏng Brah Yêhôva dơm mra gĭt; mâu di lĕ nôk nar, mâu lĕ di bri măng, yorlah bri măng ngo mra geh nau ang.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Mathay 27:45

Ntơm bơh nklang bôk nar tât pe mông mhaơ, geh nau ngo nkŭm lam neh ntu.

Markôs 15:33

Klăp lah nklang bôk nar, nau ngo klĕng nkŭm lam neh ntu tât pe mông mhaơ.

Luka 23:44

Nôk nây, lam bri neh geh nau ngo ntơm bơh nklang bôk nar jêh kŏ tât pe mông mhaơ.

Nau Tâm Mpơl 6:12

Tơlah Kon Biăp pơk tâp pŏng rơh prao, gâp saơ nau n'găr neh ktang; nar plơ̆ jêng ngo tâm ban ma du blah bok rsau krăk, khay plơ̆ jêng chăng nâm bu mham,

Nau Tâm Mpơl 8:12

Tông mpăr rơh puăn uh nŭng, du kô̆ tâm pe nar, du kô̆ tâm pe khay jêh ri du kô̆ tâm pe phung mănh mbing tâm tom ndrăng nơm kŏ tât du kô̆ tâm pe phung nĕ jêng ngo, ƀư ăn du kô̆ tâm pe nôk nar mâu geh nau ang, jêh ri nôk măng tâm ban lĕ.