Amôt 8:2 - Nau Brah Ndu Ngơi 2023

² Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Amôt 8:2 Iomraidhean Croise

Nau Ntơm 6:13

Brah Ndu lah ma Y-Nôê: “Gâp hŏ mĭn jêh mra nkhĭt lĕ rngôch bunuyh, yor ma khân păng dĭng neh ntu bêng ma nau djơh janh. Aơ, Gâp mra ƀư rai khân păng bơh klơ neh.

Êsai 28:4

Rvang kao gơnh nhop jêng ndơ nkrơ̆ khlay prăk Gŭ ta klơ yôk rlŭng jêng ngăn, Mra jêng tâm ban ma play rvi dŭm lor ta yan vai; Lah bu saơ play nây, pĕ jêh ri sa ro.

Yêrêmi 40:10

Bi gâp be, gâp mra gŭ ta ƀon Mispa gay tâm tang ma khân may vơt rom phung Kaldê dăch tât ta aơ jêh. Bi khân may, bun prăp hom ndrănh krăk ƀâu, kao play si yan vai, jêh ri dak ngi ôlive jêh nây prăp tâm lĕ yăng. Gŭ rêh hom tâm ƀon khân may hŏ pit in jêh.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Nau Nhĭm Vơl 4:18

Bu n'gơr uănh nhuat jâng hên Gay ma hên mâu dơi hăn rŏ trong; Nau lôch dŭt ma hên hŏ dăch tât jêh! Nar hên hŏ lĕ jêh! Nglĕ dŭt hên hŏ tât jêh!

Êsêkiêl 12:23

Yor nây, mbơh hom ma khân păng: ‘Kôranh Brah Yêhôva lah: Gâp mra ƀư ăn lôch nau hôr nây, bu mâu mra dŏng păng đŏng ôh ƀư du nau hôr tâm bri Israel.’ Ƀiălah ngơi hom ma khân păng pô aơ: ‘Lĕ nar dăch tât jêh, lĕ nau tâm saơ mra jêng n'hêl nanê̆ ngăn!’

Êsêkiêl 29:8

Yor nây, Kôranh Brah Yêhôva lah: ‘Aơ, Gâp mra leo đao tât tâm rdâng đah may jêh ri mra nkhĭt lĕ rngôch bunuyh nđâp ma mpô mpa.

Êsêkiêl 3:10

Păng lah đŏng ma gâp pô aơ: “Hơi kon bunuyh, dơn hom tâm nuih n'hâm jêh ri iăt ma trôm tôr lĕ rngôch nau Gâp mra ngơi ma may.

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Êsêkiêl 7:6

Nau nglĕ dŭt hŏ tât, nau nglĕ dŭt hŏ tât jêh! Păng dâk tâm rdâng đah may. Ri păng tât jêh!

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Êsêkiêl 8:6

Păng lah đŏng ma gâp, “Hơi kon bunuyh, may saơ lĕ nau khân păng dôl ƀư, nây jêng lĕ nau ƀơ̆ ngăn ma ngih Israel hŏ ƀư tih ta aơ ƀư ăn ma Gâp ngai bơh ntŭk kloh ueh Gâp bơh? Ƀiălah may mra hôm saơ lĕ nau mhĭk toyh lơn đŏng!”

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Amôt 7:8

Brah Yêhôva lah ma gâp: “Hơi Y-Amôt, moh may saơ?” Gâp lah: “Du rse yông ndơ jâk”. Kôranh Brah lah tay: “Aơ, Gâp mra dơm rse yông ndơ jâk ƀư di gay veh phung ƀon lan Israel Gâp; Gâp mâu mra yô̆ ma khân păng ôh.

Amôt 8:1

Aơ jêng nau Kôranh Brah Yêhôva tâm mpơl ma gâp saơ: Du bĭ play tơm si yan ta vai.

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Sakari 5:2

Tông păr ueh ôp gâp: “Moh ndơ may saơ?” Gâp plơ̆ lah: “Gâp saơ du ndrom samƀŭt ntâu dôl mpăr; jong păng klăp lah sĭn met, dĭ păng puăn met n'gul.”