Amôt 8:10 - Nau Brah Ndu Ngơi 2023

¹⁰ Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Amôt 8:10 Iomraidhean Croise

Nau Ntơm 21:16

jêh nây păng nơm hăn jêh ri gŭ mpeh tra năp, ƀah ma kon se nây klăp truyh pănh ma hăr, yorlah păng lah: “Lơi ôh ăn gâp saơ khĭt kon gâp!” Dôl păng gŭ tâm tham tra năp nĕ, păng nhĭm nter.

Ndrom Samƀŭt bơh Yôp 20:23

Brah Ndu nkhŭt nau ji nuih tâm păng, Ƀư ăn bêng nuih n'hâm păng kơnh, Hoch nau dŭt ji nuih jêng ndơ sông sa ma păng.

Ndrom Samƀŭt bơh Yôp 3:5

Ŭch ma nar nây nkŭm tâm nau ngo klĕng jêh ri gui nau khĭt, Tŭk krăk nkŭm ta păng Jêh ri măng lĭng ƀư ma păng klach krit!

Ndrom Samƀŭt bơh Yôp 30:31

Yor ri, gong rêng loih gâp ngloh nteh nau rngot klâng, Nteh n'hôm gâp luh nau nhhiăng nhĭm.”

Êsai 3:24

Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Nau Nhĭm Vơl 5:15

Nuih n'hâm hên roh lĕ nau maak, Nau pâl ntalơ̆ rgâl jêng nau rngot klâng.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Êsêkiêl 7:2

“Hơi kon bunuyh, Yêhôva Brah Ndu lah ma bri dak Israel pô aơ: ‘Nau tât nglĕ dŭt hŏ tât jêh! Puăn njônh bri aơ tât nglĕ dŭt jêh!

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Yôel 1:8

May nhĭm vơl hom nâm bu ur druh nsoh ao ƀau Nhĭm vơl ma sai dăch nđăp nôk ndăm!

Kan Lêvi 13:40

Tơlah geh du huê rŭng sŏk, plưn bôk, nơm nây ăt jêng kloh.

Amôt 5:21

Gâp tâm rmot, mưch ma lĕ yan rƀŭn khân may; Gâp mâu maak ôh ma lĕ nau tâm rƀŭn toyh khân may.

Amôt 5:23

Mƀăr lơi hom bơh Gâp bâr khân may mprơ drơu drơu! Gâp mâu hôm ŭch iăt ôh gong rêng khân may.

Amôt 8:3

Tâm nar nây, lĕ nau mprơ tâm ngih brah Mra jêng nau nhĭm nhhiăng” Kôranh Brah Yêhôva lah kơt nây. “Săk jăn khĭt mra jêng âk, jêh ri lam ntŭk bu mra mƀăr khân păng ma nau klăk klêm.”

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.