Amôt 7:8 - Nau Brah Ndu Ngơi 2023

⁸ Brah Yêhôva lah ma gâp: “Hơi Y-Amôt, moh may saơ?” Gâp lah: “Du rse yông ndơ jâk”. Kôranh Brah lah tay: “Aơ, Gâp mra dơm rse yông ndơ jâk ƀư di gay veh phung ƀon lan Israel Gâp; Gâp mâu mra yô̆ ma khân păng ôh.

Amôt 7:8 Iomraidhean Croise

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 34:11

Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Amôt 7:7

Păng tâm mpơl jêh ma gâp: Aơ, Kôranh Brah dâk ta meng mpir ndâk sŏng jêh ri ta ti Păng djôt du mlâm rse dak ndrak.

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Sakari 4:2

Păng lah ma gâp pô aơ: “Moh ndơ may saơ?” Gâp plơ̆ lah: “Aơ, gâp uănh saơ, du mlâm jâng kađen bu ƀư đah mah, jêh ri du mlâm yăng dak ngi ôlive ta klơ păng; jâng kađen geh pơh mlâm ŭnh kađen, n'hanh ma pơh mlâm dĭng dak ngi ăn luh ăp ŭnh kađen gŭ ta klơ păng.

Sakari 5:2

Tông păr ueh ôp gâp: “Moh ndơ may saơ?” Gâp plơ̆ lah: “Gâp saơ du ndrom samƀŭt ntâu dôl mpăr; jong păng klăp lah sĭn met, dĭ păng puăn met n'gul.”