Amôt 7:7 - Nau Brah Ndu Ngơi 2023

⁷ Păng tâm mpơl jêh ma gâp: Aơ, Kôranh Brah dâk ta meng mpir ndâk sŏng jêh ri ta ti Păng djôt du mlâm rse dak ndrak.

Amôt 7:7 Iomraidhean Croise

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 34:11

Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Êsêkiêl 40:3

Tơlah Păng leo gâp lăp ta nây, gâp saơ du huê bunuyh săk jăn nâm bu du huê bunuyh ma kông. Bunuyh nây dâk ta ndring mpông, ti djôt rse ndrăn mhay jêh ri du mlâm mâng ndăl gay ma veh.

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:8

Brah Yêhôva lah ma gâp: “Hơi Y-Amôt, moh may saơ?” Gâp lah: “Du rse yông ndơ jâk”. Kôranh Brah lah tay: “Aơ, Gâp mra dơm rse yông ndơ jâk ƀư di gay veh phung ƀon lan Israel Gâp; Gâp mâu mra yô̆ ma khân păng ôh.

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Nau Tâm Mpơl 11:1

Nôk nây bu ăn ma gâp du mâng veh nâm bu mâng jra jêh ri lah pô aơ: “Dâk hom jêh ri veh ngih brah Brah Ndu jêh ri nơng ƀư brah nđâp ma phung bunuyh yơk mbah tâm ntŭk nây.

Nau Tâm Mpơl 21:15

Tông mpăr ngơi đah gâp geh mâng veh jêng mâng jra mah gay ma veh ƀon nây, lĕ mpông jêh ri mpêr ƀon.