Amôt 7:17 - Nau Brah Ndu Ngơi 2023

¹⁷ Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Amôt 7:17 Iomraidhean Croise

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 22:18

Păng mra klôn may ăn mlâm jêh ri klŭp may tâm ban ma klŭp play chưng ma du n'gor dĭ huy. Ta nây, may mra khĭt; ndeh seh hŏ tă ƀư chrêk rmah ma may mra gŭ ta nây lĕ. May mra jêng nau bêk prêng ma ngih kôranh may!’

Yêrêmi 14:16

Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 20:6

Bi may, hơi Y-Pashur, may nơm jêh ri phung gŭ tâm ngih may bu mra ƀư jêng bu nă da dê. May mra tât ma Babilôn, khĭt jêh ri tâp ta nây ndrel ma lĕ rngôch phung mĭt jiăng may, jêng phung bunuyh hŏ iăt nau mbơh lor nklă may.’”

Yêrêmi 28:12

Jêh nơm mbơh lor Y-Hanania nkê̆ch mâng mbăk bơh trô ko Y-Yêrêmi, pôri geh nau Brah Yêhôva lah ma Y-Yêrêmi:

Yêrêmi 28:16

Yor nây, Brah Yêhôva lah: ‘Aơ, Gâp mra mprơh may bơh klơ neh ntu. Năm aơ yơh may mra khĭt yorlah may hŏ ƀư nau uh ah tâm rdâng đah Brah Yêhôva.’”

Yêrêmi 29:21

“Brah Yêhôva ma phung tahan, Brah Ndu Israel, lah ma Y-Ahap, kon bu klâu Y-Kôlaya, jêh ri ma Y-Sêdêkia, kon bu klâu Y-Maseya, jêng phung mbơh lor nklă mƀruh tâm amoh Gâp, pô aơ: ‘Aơ, Gâp mra jao khân păng tâm ti Y-Nêbukatnetsar, hađăch Babilôn, hađăch nây mra nkhĭt khân păng tanăp măt khân may.’

Yêrêmi 29:25

Brah Yêhôva ma phung tahan, Brah Ndu Israel lah: ‘May njuăl jêh samƀŭt tâm amoh may nơm ma lĕ rngôch phung ƀon lan gŭ ta ƀon Yêrusalem, ma Y-Sêphania, kon bu klâu kôranh ƀư brah Y-Maseya, jêh ri ma lĕ rngôch phung kôranh ƀư brah pô aơ:

Nau Nhĭm Vơl 5:11

Khân păng nchâp gay bê̆ch ndrel đah bu ur tâm ƀon Siôn, Jêh ri ƀư mhĭk ma phung bu ur druh tâm ƀon n'gor Yuđa.

Êsêkiêl 4:13

Brah Yêhôva lah đŏng: “Pônây phung kon sau Israel mra sa piăng let ƀơ̆ ƀơch tâm lĕ bri dak Gâp mra mprơh khân păng hăn du.”

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Amôt 6:7

Yor nây, bu nhŭp khân păng jêng phung bu nă lor, Nau nhêt ndrănh nhŭl hơm jêh ri pâl rlưn nây mra lôch!

Amôt 7:11

Nanê̆ ngăn, nau Y-Amôt lah: ‘Y-Jêrôbôam mra khĭt ma đao jêh ri Israel mra jêng bu nă ngai ma bri dak khân păng nơm!’ ”

Amôt 8:1

Aơ jêng nau Kôranh Brah Yêhôva tâm mpơl ma gâp saơ: Du bĭ play tơm si yan ta vai.

Amôt 9:1

Gâp saơ Kôranh Brah dâk ta êp nơng ƀư brah jêh ri lah pô aơ: “Dong hom ta lĕ chiông meh n'gâng Gay n'gơ lĕ ntơng mpông; Mbang rlâm hom lĕ rup ta klơ bôk khân păng! Mbu nơm phung hôm klen Gâp mra nkhĭt ma đao Mâu geh ôh du huê tâm phung khân păng nchuăt du, Mâu geh ôh du huê tâm phung khân păng dơi klaih.

Amôt 9:8

Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.

Mika 1:16

Ƀư plưn hom bôk jêh ri poih ăn pler, Yorlah phung kon may ŭch rŏng; Di jêh, ƀư plưn hom ma may nâm bu klang, Yorlah khân păng bu nhŭp da dê hăn jêng bu nă tă bơh may!

Sakari 14:2

Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.