Amôt 7:16 - Nau Brah Ndu Ngơi 2023

¹⁶ Aƀaơ, iăt hom nau Brah Yêhôva ngơi: May nơm lah: ‘Lơi ngơi nau mbơh lor tâm rdâng ôh ma Israel jêh ri lơi mbơh nkoch tâm rdâng ôh ma ngih Y-Isăk.’

Amôt 7:16 Iomraidhean Croise

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

II Phung Hađăch 14:24

Păng ƀư nau mhĭk tanăp măt Brah Yêhôva, mâu ŭch chalơi ôh bơh lĕ nau tih Y-Jêrôbôam, kon bu klâu Y-Nêbat, jêng nau hŏ nsŭk phung Israel ƀư tih.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsêkiêl 13:2

“Hơi kon bunuyh, mbơh lor hom nau tâm rdâng đah phung nơm mbơh lor Israel jêng phung dôl mbơh lor, jêh ri lah hom ma phung mbơh lor tĭng nâm khân păng mĭn pô aơ: ‘Iăt hom nau Brah Yêhôva ngơi!’

Êsêkiêl 16:35

Yor nây hơi bu ur văng tĭr, iăt hom nau Brah Yêhôva lah.’

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Amôt 2:12

“Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Amôt 7:13

Ƀiălah lơi ngơi nau mbơh lor ôh ta Bêthel yorlah păng jêng ntŭk kloh ueh ma hađăch jêh ri jêng ngih brah ma ƀon bri hađăch.”

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.

I Samuel 15:16

Y-Samuel lah ma Y-Sôl: “Gŭ klêm hom! Gâp mra mbơh ma may nau Brah Yêhôva ngơi jêh ma gâp măng ndơh.” Y-Sôl plơ̆ lah: “Ngơi hom.”