Amôt 6:6 - Nau Brah Ndu Ngơi 2023

⁶ Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Amôt 6:6 Iomraidhean Croise

Nau Ntơm 49:22

Y-Yôsep jêng du n'gĭng tơm si play âk ngăn, N'gĭng tơm si geh play âk ta kơh dak n'hor; N'gĭng păng nkŭm ta klơ pêr.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Ndrom Samƀŭt bơh Ôsê 3:1

Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Yôhan 12:3

H'Mari sŏk du kilô dak ƀâu kah mâu geh rlŭk khlay ngăn tŏ ta jâng Brah Yêsu, jêh nây păng jut jâng Brah Yêsu ma sŏk Păng. N'hôl dak ƀâu kah lam lĕ rngôch ngih nây.

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.

I Kôrintô 12:26

Lah du kô̆ săk jăn mâp nau ji, pôri lĕ rngôch ji tâm ban da dê; tơlah bu rnê du kô̆ săk jăn, lĕ rngôch geh nau răm maak tâm ban lĕ.

I Timôthê 5:23

Yorlah khŭng may jêh ri yor may vay ji, pôri may mâu knŏng nhêt dak, ƀiălah nhêt hom djê̆ ndrănh.