Amôt 6:13 - Nau Brah Ndu Ngơi 2023

¹³ Khân may hâk răm yor dơi lơh pit in ƀon Lô-Dêbar Jêh ri lah pô aơ: “Mâu di ma nau ktang he nơm sŏk jêh ƀon Karnaim ma he nơm?”

Amôt 6:13 Iomraidhean Croise

II Phung Hađăch 13:25

Y-Jôas, kon bu klâu Y-Jôacha, sŏk sĭt tay tă bơh ti Y-Ben-Hadat, kon bu klâu Y-Hasael, lĕ rngôch ƀon păng lĕ sŏk jêh tă bơh Y-Jôacha mbơ̆ păng tâm nau tâm lơh. Pe tơ̆ Y-Jôas dơi đah păng jêh ri plơ̆ sŏk sĭt tay ƀon phung Israel nây.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

Ndrom Samƀŭt bơh Yôp 31:25

Tơlah gâp răm rhơn yor geh âk drăp ndơ, Jêh ri tâm ti gâp geh ndơ âk ngăn ngên;

Ndrom Samƀŭt bơh Yôp 31:29

Hŏ geh gâp răm maak nôk phung tâm rmot ma gâp geh nau rêh ni, Jêh ri răm rhơn lah geh nau mhĭk tât ma păng;

Ndrom Samƀŭt bơh Yôp 8:14

Ntŭk bunuyh nây rnơm nsing n'hơ ƀiơr nâm bu ntêng vĭl, Nau păng rnơm nsing nâm bu ntêng vĭl

Ndrom Samƀŭt bơh Yôp 8:15

Bunuyh nây nsing ma ngih păng nơm, ƀiălah ngih nây mâu dơi nâp; Kuăn nâp ngih, ƀiălah ngih n'goh n'gơ.

Nau Mprơ Ơm 2:2

Lĕ phung hađăch ta neh ntu plơ̆ dâk tâm rdâng, Phung kôranh chiă uănh tâm rnglăp ndrăng khân păng Tâm rdâng đah Brah Yêhôva jêh ri đah Nơm Dơn Nau Tŏ Dak Ƀâu Kah Păng.

Nau Mprơ Ơm 75:4

Gâp lah ma phung sưr pô aơ: “Lơi ta sưr ôh,” Jêh ri lah ma phung mhĭk pô aơ: “Lơi ta n'gơr nke klơ;

Nau Mprơ Ơm 75:5

Lơi ta n'gơr nke khân may prêh klơ Lơi ta dăng ko gay ma ngơi sưr rlau ôh.”

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Êsai 7:1

Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 29:9

N'gor bri Êjipt mra jêng rngol, nsoih dơm jêh ri khân păng mra gĭt Gâp jêng Brah Yêhôva.’ Yorlah Pharaôn geh lah jêh pô aơ: ‘Dak krong Nil jêng ndơ gâp, gâp hŏ njêng jêh păng.’

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Yônais 4:6

Yêhôva Brah Ndu rơm ndrăp ăn du mlâm tơm rpŭng jêh ri ăn păng vơr hao prêh ta klơ Y-Yôna gŭ gay geh n'hâm ta klơ bôk Y-Yôna jêh ri gay rklaih păng tă bơh nau păng rgănh. Y-Yôna maak hâu ngăn ma tơm rpŭng nây.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sakari 1:19

Gâp ôp tông mpăr dôl ngơi đah gâp: “Moh phung nke nây jêng?” Păng plơ̆ lah: “Nây jêng phung nke hŏ ƀư rai pru pra jêh phung Yuđa, phung Israel jêh ri phung Yêrusalem.”

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Yakơ 4:16

Ƀiălah aƀaơ khân may sưr rlau ngơi nklă! Lĕ rngôch nau sưr kơt nĕ jêng mhĭk.

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.

I Samuel 4:5

Tơlah Hip Nau Tâm Rnglăp Brah Yêhôva lăp tâm pôih tahan, lĕ rngôch phung Israel troh nter huy da dê ngăn, kŏ tât n'gơ n'găr neh.