Amôt 6:10 - Nau Brah Ndu Ngơi 2023

¹⁰ Tơlah du huê ndŭl mpôl, jêng nơm djôt leo su săk nuyh khĭt jêh ri lah luh padih vâl, nơm nây mra ôp ma nơm hôm e tâm vâl: “Hôm geh lĕ bunuyh gŭ ndrel may?” Păng mra lah: “Mâu hôm geh bunuyh ôh!” Nôk nây, bunuyh ndŭl mpôl nây lah pô aơ: “Gŭ rklăk hom! He mâu dơi ngơi tât ma Amoh Brah Yêhôva ôh!”

Amôt 6:10 Iomraidhean Croise

II Phung Hađăch 23:16

Y-Jôsia rle n'gĭl uănh pakơi saơ lĕ môch ta klơ yôk. Hađăch prơh bunuyh hăn sŏk nting tâm lĕ môch nây, jêh nây gŭch nting nây ta klơ nơng ƀư brah, ƀư ƀơ̆ nơng ƀư brah, tĭng nâm nau Brah Yêhôva ngơi jêh bơh bunuyh Brah Ndu, nơm mbơh lor jêh nau nây, dôl Y-Jêrôbôam gŭ nsrâng ta nơng ƀư brah tâm nau nar rƀŭn. Hađăch Jôsia rle n'gĭl n'gơr uănh môch bunuyh Brah Ndu, jêng nơm hŏ lah lor ma lĕ nau nây.

II Phung Hađăch 6:33

Tâm nôk Y-Êlisê hôm e ngơi ndrel ma khân păng, bunuyh mbơh văch tât jêh ri lah ma păng: “Nau mhĭk aơ luh tă bơh Brah Yêhôva. Pôri, mâm ƀư gâp hôm kâp gân ma Brah Yêhôva?”

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 44:26

Ƀiălah, ơ lĕ rngôch phung Yuđa gŭ tâm bri Êjipt, iăt hom nau Brah Yêhôva! Brah Yêhôva lah: Aơ Gâp sŏk ma amoh toyh Gâp ton pô aơ tâm lam bri Êjipt mâu mra geh du huê bunuyh Yuđa hă mbung kuăl tâm amoh Gâp pô aơ: ‘Tĭng nâm Yêhôva Brah Ndu gŭ rêh mro mrăng!’

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Amôt 5:13

Yor nây, tâm rnôk tâm ban pô aơ, nơm blau mĭn mra gŭ klăk klêm Yorlah rnôk aơ jêng rnôk djơh mhĭk.

Amôt 8:3

Tâm nar nây, lĕ nau mprơ tâm ngih brah Mra jêng nau nhĭm nhhiăng” Kôranh Brah Yêhôva lah kơt nây. “Săk jăn khĭt mra jêng âk, jêh ri lam ntŭk bu mra mƀăr khân păng ma nau klăk klêm.”

Nau Kơp Bunuyh 17:12

Phung ƀon lan Israel lah ma Y-Môis: “Aơ hên khĭt, hên rai lôch, hên rai lôch lĕ ro!

I Samuel 31:12

lĕ rngôch phung tahan janh ktang dâk hăn trong jêh ri hăn du măng kŏ ang. Khân păng sŏk săk jăn Y-Sôl jêh ri phung kon bu klâu păng tă bơh mpêr ƀon Bet-San, jêh nây djôt leo sĭt ta Jabes jêh ri su săk jăn khân păng ta nây.