Amôt 5:8 - Nau Brah Ndu Ngơi 2023

⁸ Joi hom Nơm hŏ rhăk njêng rchuăl mănh Plêat jêh ri mănh Ôrlon; Rgâl nau ngo klĕng jêng ơm ôi, Rgâl nôk nar jêng măng krăk, Kuăl dak mƀŭt Jêh ri nkhŭt păng ta klơ neh; Amoh Păng jêng Brah Yêhôva.

Amôt 5:8 Iomraidhean Croise

Ndrom Samƀŭt bơh Yôp 12:22

Păng leo lĕ nau khlay ndâp luh bơh nau ngo, Mpơl gui nau khĭt jêng nau ang.

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Ndrom Samƀŭt bơh Yôp 38:34

Dơi lĕ may nter kuăl ma ndâr tŭk, Ƀư ăn dak mih nkhŭt lip ta klơ may dơi lĕ?

Ndrom Samƀŭt bơh Yôp 9:9

Păng njêng mănh Mbing, mănh Ôritôn, Mănh Plêat jêh ri mănh Mpeh pa dâng.

Nau Mprơ Ơm 104:20

May njêng nau ngo, nây jêng măng, Jêng nôk phung mpô mpa bri hăn joi ndơ sa.

Nau Mprơ Ơm 105:28

Păng njuăl nau ngo jêh ri ƀư ma n'gor ngo klĕng, Ƀiălah phung nây ăt mâu iăt ôh nau Păng.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Yêrêmi 16:21

“Yor nây, Gâp mra ăn ma khân păng gĭt, Nanê̆, tơ̆ aơ Gâp mra nti ăn khân păng gĭt Nau ktang jêh ri nau brah Gâp. Jêh ri khân păng mra gĭt Amoh Gâp jêng Yêhôva.”

Yêrêmi 33:2

“Brah Yêhôva jêng Nơm njêng jêh kan aơ, Brah Yêhôva jêng Nơm rhăk njêng jêh ri ŭch ƀư nâp nau kan aơ, amoh Păng jêng Yêhôva, lah:

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 8:9

Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Amôt 9:6

Kôranh Brah hŏ ndâk jrô Păng tâm lĕ ndâr trôk, Jêh ri ndâk rvang Păng ta klơ neh. Păng kuăl dak mƀŭt Jêh ri nkhŭt ta klơ neh. Amoh Păng jêng Brah Yêhôva.

Mathay 4:16

Phung bunuyh ƀon lan nây gŭ tâm nau ngo. Hŏ saơ jêh nau ang toyh; Jêh ri phung bunuyh gŭ tâm ntŭk gui nau khĭt nkŭm, Hŏ saơ nau ang nchrat.”

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”