Amôt 5:6 - Nau Brah Ndu Ngơi 2023

⁶ Joi hom Brah Yêhôva ri mơ khân may mra rêh; Tơlah mâu, Păng mra jêng nâm bu ŭnh hit su ngih Yôsep, Jêh ri Bêthel, mâu geh ôh nơm buh nhhât.

Amôt 5:6 Iomraidhean Croise

II Samuel 19:20

Oh mon may gĭt năl jêh nau tih. Ƀiălah nar aơ, gâp jêng nơm lor lơn tâm lĕ rngôch ngih Y-Yôsep, gâp hŏ trŭnh lor gay chuă vơt hađăch jêng kôranh gâp.”

I Phung Hađăch 11:28

Nôk nây, Y-Jêrôbôam jêng du huê ngăch prăl jêh ri geh nau dơi. Y-Salômôn saơ păng hôm ndăm jêh ri geh blau rĭ dĭng dơm păng jêng kôranh ma lĕ rngôch nau pah kan jâk ngih Yôsep.

II Nau Rêh Jêng 34:25

Yorlah khân păng chalơi jêh Gâp, gŭch ndơ ƀâu kah ăn ma phung brah êng, sŏk lĕ rngôch kan ti khân păng ƀư gay nsônh nau Gâp ji nuih, yor ri yơh nau ji nuih Gâp mra nkhŭt ta ntŭk aơ, mâu dơi rhân ôh.’

Nau Mprơ Ơm 27:8

Tơlah Kôranh Brah lah: “Khân may joi hom muh măt Gâp” Pôri nuih n'hâm gâp lah ma Kôranh Brah pô aơ: “Ơ Brah Yêhôva! Gâp mra joi muh măt May.”

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Nau Ngluh Êjipt 22:6

Tơlah geh ŭnh luh jêh ri ŭch sa rêng tât ta pŭm lok jêh nây su rai lĕ nchăp ba, ba bu ê hŏ rek, mâu lah ba hôm tâm lŏ sre, nơm su ŭnh nây mra ntrok lĕ rngôch ndơ bu hŏ ŭnh sa jêh.

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 37:19

pôri may mplơ̆ lah hom pô aơ Kôranh Brah Yêhôva lah: ‘Aơ, Gâp mra sŏk mâng jra Y-Yôsep, nây jêng mâng jra tâm ti Y-Êphraim, jêh ri lĕ ndŭl mpôl Israel tâm rnglăp ndrel ma păng; Gâp mra tâm rnglăp păng đah mâng jra Yuđa, gay njêng knŏng du mlâm mâng jra dơm, jêh ri bar mâng jra mra jêng nguay tâm ti Gâp.’

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Amôt 5:14

Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Amôt 5:4

Aơ jêng nau Brah Yêhôva lah ma ngih Israel: “Joi hom Gâp ri mơ khân may mra rêh!

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.

Nau Vay Nkah Tay 4:24

Yorlah Yêhôva Brah Ndu khân may jêng du rlô ŭnh su jêh ri jêng Brah Ndu blau ntôn.

Yôsuê 18:5

Khân păng mra tâm pă bri tâm pơh kô̆. Phung Yuđa mra mât prăp ta n'gor neh khân păng ta mpeh pa dâng, ngih Y-Yôsep mra mât prăp ta n'gor neh khân păng ta nkual mpeh pa lơ.