Amôt 5:21 - Nau Brah Ndu Ngơi 2023

²¹ Gâp tâm rmot, mưch ma lĕ yan rƀŭn khân may; Gâp mâu maak ôh ma lĕ nau tâm rƀŭn toyh khân may.

Amôt 5:21 Iomraidhean Croise

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Êsêkiêl 23:18

Păng hŏ mpơl jêh nau văng tĭr păng, doh rhôk păng nơm pôri nuih n'hâm Gâp dĭl păng tâm ban lĕ nâm bu hŏ dĭl jêh ma nur păng.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Amôt 4:4

“Hăn hom tât ta ƀon Bêthel jêh ri ƀư tih; Hăn hom ma ƀon Gilgal jêh ri ƀư tih tay! Ăp ôi, djôt tât hom mpa ƀư brah, Jêh ri pe nar du tơ̆ khân may nhhơr du kô̆ tâm jât!

Amôt 4:5

Su lơi hom ndơ ƀư brah nau tâm rnê ma piăng let geh ndrui; Mbơh hom lĕ ndơ ƀư brah hŏ mĭn jêh tâm nuih n'hâm; Ntưih hom ăn bu gĭt lĕ nau nây! Hơi phung kon Israel, yorlah khân may ŭch ƀư nâm bu pônây.” Kôranh Brah Yêhôva lah pônây.

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.