Amôt 5:14 - Nau Brah Ndu Ngơi 2023

¹⁴ Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Amôt 5:14 Iomraidhean Croise

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 97:10

Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Hôr 11:27

Mbu nơm joi nau ueh mra mâp nau yô̆, Mbu nơm tĭng joi nau mhĭk, nau mhĭk mra tât ma păng.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Amôt 3:3

Tơlah bar hê mâu du ai nau mĭn, Pôri mâm dơi hăn nsum tâm du trong?

Amôt 5:6

Joi hom Brah Yêhôva ri mơ khân may mra rêh; Tơlah mâu, Păng mra jêng nâm bu ŭnh hit su ngih Yôsep, Jêh ri Bêthel, mâu geh ôh nơm buh nhhât.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

II Timôthê 4:22

Dăn Kôranh Brah gŭ ndrel ma huêng may! Dăn nau yô̆ gŭ ndrel ma khân may!

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”