Amôt 5:12 - Nau Brah Ndu Ngơi 2023

¹² Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Amôt 5:12 Iomraidhean Croise

Ndrom Samƀŭt bơh Yôp 20:19

Yorlah păng hŏ tŭn jot jêh ri mâu chrê ôh phung o ach, Pit in ngih vâl mâu geh ôh păng ndâk.

Ndrom Samƀŭt bơh Yôp 31:21

Tơlah gâp yơr ti gay ƀư nhhu phung kon đơi, Yorlah gâp saơ gâp nơm geh nau bu kơl ta mpông ƀon,

Nau Mprơ Ơm 127:5

Ueh maak yơh ma nơm geh jêh hăr bêng dĭng! Păng mâu mra bêk ôh Lah ngơi đah phung rlăng păng ta mpông ƀon.

Nau Ngluh Êjipt 23:3

May mâu dơi gŭ nding mpeh ma bunuyh o ach tâm nau phong.

Nau Ngluh Êjipt 23:6

Lơi may nsak nau di tâm lĕ nau dôih bơh bunuyh o ach.

Nau Hôr 17:8

Ndơ bu blŏl tâm ban ma du găr lŭ khlay tanăp nơm dơi geh păng; Nđâp lah mbah ntŭk mpeh păng rle ăt dơi jêng.

Nau Hôr 22:22

Lơi tŭn jot ôh bunuyh o ach yorlah khân păng ndĭt trơi, Mâu lĕ tŭn jot bunuyh rêh ni ta mpông ƀon;

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsai 47:9

Tâm ƀât lât, tâm du nar, Bar ntil nau tât aơ mra tât ma ay jêng nau roh phung kon jêh ri nau bu ur ndrô sai Mra tât ma ay. Bar ntil nau tât aơ mra tât ndal ma ay, Nđâp tơlah ay jêng n'hŭm njêh, Jêh ri geh nau brah toyh blau rƀên kđôi lĕ.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Nau Nhĭm Vơl 3:34

Lah bu jot plên Lĕ rngôch bunuyh bu nă tâm n'gor,

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Ndrom Samƀŭt bơh Ôsê 5:3

Gâp gĭt ngăn Êphraim, Jêh ri Israel mâu dơi ndâp ôh đah Gâp; Hơi Êphraim, may hŏ jêng bu ur ka n'hong! Bi Israel lĕ ƀơ̆ ƀơch jêh!

Amôt 2:16

Jêh ri bunuyh janh nuih lơn tâm phung tahan janh ktang, Mra nchuăt rhôk tâm nar nây,” Brah Yêhôva lah kơt nây.

Amôt 2:3

Gâp mra ƀư rai nơm chiă uănh bơh păng, Jêh ri nkhĭt lĕ rngôch phung kôranh ndrel ma păng.” Brah Yêhôva lah pônây.

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Amôt 8:4

Iăt hom nau aơ! Khân may jêng phung bunuyh tŭn jot phung ndĭt trơi, Ƀư rai phung o ach tâm n'gor.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Nau Vay Nkah Tay 16:18

“Ăn khân may sâm dơm kôranh phat dôih jêh ri kôranh chiă uănh ma lĕ ndŭl mpôl tâm lĕ ƀon Yêhôva Brah Ndu khân may mra ăn ma khân may. Khân păng mra phat dôih phung ƀon lan ma nau sŏng.

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Yakơ 5:6

khân may tâm rmal jêh ri nkhĭt jêh phung sŏng srăng, ƀiălah păng mâu tâm rdâng đah khân may ôh.

Bu ur Rut 4:1

Y-Bôas hăn tât ma mpông ƀon jêh ri gŭ ta nây. Aƀaơ, nơm geh nau dơi chuai drăp ndơn, nơm Y-Bôas hŏ lah jêh mhe hăn rgăn ta nây. Y-Bôas lah: “Hơi mĭt jiăng, veh gŭ hom ta aơ.”

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.