Amôt 5:10 - Nau Brah Ndu Ngơi 2023

¹⁰ Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Amôt 5:10 Iomraidhean Croise

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nau Hôr 15:12

Phung dăng mưch mâu ŭch ôh nau bu nduyh nkra; Păng mâu ŭch văch ôh ndrel bunuyh blau mĭn.

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Yêrêmi 38:7

Kôranh bu char Y-Êbet-Mêlek, bunuyh Êthiôpi, dôl gŭ tâm ngih hađăch tăng nau bu nklăch Y-Yêrêmi tâm ntu dak. Rnôk nây hađăch dôl gŭ ta Mpông Pêr Benjamin.

Ndrom Samƀŭt bơh Ôsê 4:4

Nđâp tơlah pônây lơi ăn du huê tâm rlăch ôh, Lơi ăn geh bunuyh nduyh ôh! Yorlah phung ƀon lan may nâm bu phung tâm rlăch đah kôranh ƀư brah.

Kan Lêvi 13:10

Kôranh ƀư brah mra sek uănh păng, tơlah tâm ntâu geh nau ok eh nglang ƀư ma rsau plăch jêng nglang, jêh ri tơlah tâm ok eh geh ndâr mlay luh chăng

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Yôhan 15:19

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.

Yôhan 3:20

Yorlah mbu nơm ƀư mhĭk, păng tâm rmot ma nau ang jêh ri mâu ŭch văch ôh ta nau ang, klach mpơl nau kan păng ƀư.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Galati 4:16

Pônây gâp plơ̆ jêng nơm rlăng đah khân may yorlah ngơi nau ngăn ma khân may lĕ ƀơh?

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.