Amôt 4:9 - Nau Brah Ndu Ngơi 2023

⁹ “Gâp hŏ dŏng sial duh jêh ri ndrŭng sa ba khân may. Geh âk n'gar trao, đang krăk ƀâu, tơm play rvi, tơm play ôlive khân may geh krah ndrach gĭnh mpŭng jêh. Ƀiălah khân may mâu lĕ plơ̆ sĭt ma Gâp,” Brah Yêhôva lah pônây.

Amôt 4:9 Iomraidhean Croise

I Phung Hađăch 8:37

Tơlah tâm n'gor bri geh nau ji ngot, nau ji tưp, mâu lah prăng phang, hon sêt-o, krah ndrach, krah nsăt, mâu lah geh phung rlăng nchueng jŭm lĕ mpông ƀon khân păng gŭ, mâu lah ăp nau mhĭk, nau ji;

II Nau Rêh Jêng 6:28

Tơlah tâm n'gor geh nau ji ngot, nau ji tưp, prăng phang, hon sêt-o, krah ndrach mâu lah krah nsăt, mâu lah tơlah phung rlăng nchueng jŭm lĕ mpông ƀon tâm n'gor bri khân păng gŭ, mâu lah geh ăp nau mhĭk mâu lah nau ji,

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Yôel 1:4

Moh ndơ ndrŭng hôm om krah sa tay; Moh ndơ krah hôm om pôri ndrŭng sa n'huk ntâu; Moh ndơ ndrŭng n'huk ntâu hôm om pôri krah nsăt sa.

Yôel 1:7

Khân păng ƀư rai tơm krăk ƀâu Gâp, Jêh ri n'huk ntâu tơm rvi Gâp; Khân păng n'huk lơi lĕ ntâu jêh ri mƀăr lơi, Ăn lĕ n'gĭng tơm si jêng nglang.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Amôt 4:8

Yor ri, bu hăn nsong blêng ntơm bơh ƀon toyh aơ tât ƀon toyh ri gay joi dak nhêt Ƀiălah joi mâu tŏng ôh dak ma nhêt. Ƀiălah khân may mâu plơ̆ sĭt ôh ma Gâp” Brah Yêhôva lah pônây.

Habakuk 3:17

Nđâp lah tơm play rvi mâu mra chăt nkŭr đŏng ôh, Đang krăk ƀâu rlu luh play, Tơm ôlive mâu đŏng geh play, Mir ba mâu geh ôh luh ndơ sông sa, Phung biăp roh êng tă bơh ndrung, Jêh ri phung ndrôk mâu geh đŏng ôh tâm trôm ndrung,

Ndrom Samƀŭt bơh Agê 2:17

Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Malachi 3:11

Yor khân may, Gâp mra buay lơi ma phung mpa sa ƀư rai kao play tă bơh neh khân may; jêh ri tơm krăk ƀâu khân may tâm mir mâu hôm ăn rŭng đŏng ôh play tât yan păng.” Brah Yêhôva ma phung tahan lah pônây.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:42

Krah mra sa lĕ jêh tơm si jêh ri play do bơh neh khân may.