Amôt 4:7 - Nau Brah Ndu Ngơi 2023

⁷ “Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Amôt 4:7 Iomraidhean Croise

Nau Ngluh Êjipt 10:22

Y-Môis yơr ti păng leo klơ trôk, nau ngo klĕng nkŭm lam bri Êjipt tâm pe nar.

Nau Ngluh Êjipt 10:23

Tâm pe nar nây, bu mâu dơi ôh tâm saơ ndrăng nơm, mâu geh nơm dơi dâk tă bơh ntŭk păng gŭ. Ƀiălah ta ntŭk phung ƀon lan Israel gŭ ta nây geh nau ang.

Nau Ngluh Êjipt 8:22

Ƀiălah tâm nar nây, Gâp mra prăp êng n'gor Gôsen jêng ntŭk phung ƀon lan Gâp gŭ; ntŭk nây mâu mra geh rhuay ôh gay ma may gĭt Gâp jêng Brah Yêhôva hôm gŭ ta nklang n'gor aơ.

Nau Ngluh Êjipt 9:26

Knŏng tâm n'gor Gôsen, ntŭk gŭ phung ƀon lan Israel gŭ, dơm mâu geh mih tŭp pler.

Nau Ngluh Êjipt 9:4

Brah Yêhôva mra ƀư nau tâm nkhah êng ma mpô mpa phung Israel jêh ri mpô mpa phung Êjipt; mâu geh ôh du mlâm mpô mpa phung Israel khĭt.’”

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 14:4

Klơ neh đang jêh, Yorlah mâu geh dak mih tŭp ta neh, Lĕ phung ƀư mir bêk prêng, Nkŭm lơi bôk.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Sakari 14:17

Tâm lĕ phung mpôl băl bunuyh ta neh ntu, mbu nơm phung mâu văch tât ôh ma ƀon Yêrusalem gay yơk mbah panăp măt Hađăch, jêng Brah Yêhôva ma phung tahan, pôri mâu mra geh ôh dak mih ma khân păng.

Yôhan 4:35

Mâu di hĕ khân may lah: ‘Hôm puăn khay đŏng rĭ mơ tât yan rek?’ Ƀiălah Gâp lah ma khân may: ‘N'gơr hom jêh ri uănh hom lôk mir ba lĕ dŭm, hŏ rơm ndrăp jêh ma yan rek.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

Nau Vay Nkah Tay 11:17

ƀư ma Yêhôva ji nuih ma khân may, jêh nây Păng nchăng lĕ ndâr trôk gay mâu ăn ôh geh dak mih, neh mâu geh kao play ôh, jêh ri khân may mra rai lôch ro bơh n'gor ueh Brah Yêhôva ăn ma khân may.

Yakơ 5:17

Êli jêng bunuyh rdja tâm ban ma he. Păng mbơh sơm dăn gay ma trôk mâu hôm mih jêh ri mâu hôm geh dak mih ôh ta neh ntu dôl tâm pe năm n'gul.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.