Amôt 4:6 - Nau Brah Ndu Ngơi 2023

⁶ “Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Amôt 4:6 Iomraidhean Croise

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:2

Y-Êli hăn tâm mâp đah Y-Ahap. Rnôk nây, ta Samari geh nau ji ngot toyh hâu ngăn.

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

II Nau Rêh Jêng 28:22

Tâm nau rêh ni, hađăch Ahas lơ ƀư tih lơn đah Brah Yêhôva;

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 16:27

Yor ri, Gâp hŏ yơr ti Gâp tâm rdâng ma ay; ƀư n'hŭch n'har bri ay jêh ri jao ay ăn ma phung rlăng ay, jêng phung kon bu ur Philistin, jêh ri khân păng bêk prêng ma nau văng tĭr ay.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Yôel 1:16

Mâu hĕ ndơ sông sa bu hŏ sŏk lơi Panăp măt he, Jêh ri nau maak răm hâk maak Hŏ roh jêh tă bơh ngih Brah Ndu he lĕ?

Kan Lêvi 26:23

Lôch jêh lĕ nau kan nây, khân may ăt mâu plơ̆ sĭt đŏng ma Gâp, hôm ma tâm rdâng đah Gâp,

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Ndrom Samƀŭt bơh Agê 2:17

Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Nau Vay Nkah Tay 28:38

Khân may mra tuch dŭt âk ntil ta mir ƀiălah roih rek dŭt djê̆, yorlah krah sa lĕ jêh.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.

Bu ur Rut 1:1

Tâm rnôk phung kôranh phat dôih, geh nau tât ji ngot hâu tâm bri nây. Geh du huê bu klâu bơh Ƀêtlêhem tâm bri Yuđa ndrel ma ur păng jêh ri bar hê kon bu klâu păng hăn tât gŭ ƀât lât tâm bri Môap.