Amôt 4:12 - Nau Brah Ndu Ngơi 2023

¹² “Hơi Israel, yor nây, Gâp mra ƀư ma may tâm ban pônây; Hơi Israel, yorlah Gâp mra ƀư ma may tâm ban pônây, Pôri may nkra hom ma nau tâm mâp đah Brah Ndu may.”

Amôt 4:12 Iomraidhean Croise

Êsai 32:11

Ơ phung bu ur mpay êng, râm sâr hom, Ơ phung bu ur mâu gĭt njrăng, ăn khân ay rŭng răng! Doh lơi hom bok ao khân ay, gŭ rhôk hom, Vân hom bŭt khân ay ma bok ƀau.

Êsai 47:3

Nau rhôk may mra mpơl, Bu mra saơ nau may bêk. Gâp mra har plơng bôk, Gâp mâu mra ăn klen du huê ôh.

Êsai 64:2

Tâm ban ma ŭnh sa long kro, Tâm ban ma ŭnh ƀư khuh dak, Gay ăn phung rlăng đah May gĭt amoh May, Jêh ri lĕ phung ndŭl mpôl bunuyh râm nsâr tanăp May.

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Amôt 2:14

Bunuyh nchuăt dŭt prăl mâu mra dơi rklaih ôh; Bunuyh dăng ktang mâu lĕ dơi têm n'hâm suan păng, Jêh ri bunuyh janh ktang mâu mra dơi lĕ tâm rklaih nau rêh păng nơm.

Mathay 24:44

Yor ri, ăn khân may rơm ndrăp jêh, yorlah Kon Bunuyh văch tâm mông khân may mâu geh mĭn.

Mathay 5:25

Dôl may hăn trong ndrel ma nơm phong ma may, gơnh ro ƀư hom đăp mpăn đah bunuyh nây; lah mâu, bunuyh nây mra jao may ma kôranh phat dôih, kôranh phat dôih jao may ma kôranh ndrung, jêh ri bu mra krŭng may.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.