Amôt 4:11 - Nau Brah Ndu Ngơi 2023

¹¹ “Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Amôt 4:11 Iomraidhean Croise

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 49:18

Brah Yêhôva lah: “Nâm bu nau ƀư rai ma ƀon Sôdôm, Gômôrơ jêh ri ƀon chiau meng, Êđôm mâu mra geh bunuyh gŭ rêh đŏng ôh, mâu geh lĕ du huê bunuyh mra hăn tât gŭ ta nây.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 50:40

Brah Yêhôva lah: “Nâm bu rnôk Brah Ndu ƀư rai ma ƀon Sôdôm, Gômôrơ jêh ri ƀon chiau meng, mâu mra geh bunuyh gŭ rêh, mâu lah du huê bunuyh hăn tât gŭ ta nây đŏng ôh.

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Ndrom Samƀŭt bơh Agê 2:17

Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Samƀŭt Pôl Njuăl Ăn Ma Phung Nsing Ta Ƀon Rôm 9:29

Y-Êsai hŏ mbơh lor jêh pô aơ: “Tơlah Kôranh Brah phung tahan mâu rong ma he bunuyh thoi noi deh, Pôri he hŏ jêng nâm bu ƀon Sôdôm jêh ri tâm ban ma ƀon Gômôrơ.”

I Kôrintô 3:15

Bi tơlah nau kan păng ndâk lĕ ŭnh su rai, păng mra roh nau nkhôm; mpeh ma păng nơm, mra dơi rklaih ƀiălah nâm bu luh tă bơh ŭnh.

Nau Vay Nkah Tay 28:24

Dak mih ta n'gor khân may, Brah Yêhôva mra rlơ̆ jêng choih jêh ri ndruyh tŭp tă bơh trôk kŏ tât khân may rai lôch.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

II Pêtrôs 2:6

tơlah Păng tâm rmal lĕ ƀon Sôdôm jêh ri ƀon Gômôrơ, ƀư ăn khân păng jêng mbŭch ŭnh buh gay ƀư leo trong ma phung bunuyh ŭch gŭ rêh mâu geh nau rêh;

Yuđas 1:23

tâm rklaih hom phung êng têk khân păng luh bơh ŭnh; jêh ri ma phung êng đŏng, geh hom nuih n'hâm yô̆ nđach nđâp nau klach, tâm rmot nđâp ma du blah ao nglay săk ƀư ƀơ̆ ƀơch jêh.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.