Amôt 3:9 - Nau Brah Ndu Ngơi 2023

⁹ Mbơh hom ma lĕ pôih nâp tâm n'gor Asdôt, Jêh ri ma lĕ pôih toyh tâm n'gor Êjipt, Lah hom pô aơ: “Khân may tâm rgum hom ta klơ lĕ yôk Samari; Uănh hom âk nau uh ah toyh ngăn ta nây Jêh ri nau tŭn jot ta nklang ƀon lan păng”

Amôt 3:9 Iomraidhean Croise

II Samuel 1:20

Lơi nkoch ôh nau nây tâm Gat, Lơi mbơh ôh nau nây tâm lĕ trong Askalôn, Klach lah phung kon druh phung Philistin răm maak, Jêh ri phung kon bu ur phung mâu koh ntâu dơi răm rhơn!

Nau Hôr 1:13

Phung he mra dơi geh ăp ntil drăp khlay, Ngih he mra bêng ndơ pit in;

Nau Hôr 11:16

Bu ur blau yô̆ dơi geh nau yơk, Bi phung bu klâu dăng ktang mra dơi geh drăp ndơ.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Yêrêmi 31:5

May mra tăm tay đang krăk ƀâu Ta klơ yôk Samari, Bunuyh tăm tơm si mra tăm Jêh ri dơi dơn kao play.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Êsêkiêl 36:8

Bi khân may, hơi phung yôk Israel, mra chăt nkeh n'gĭng jêh ri luh play ăn ma phung ƀon lan Israel, yorlah khân păng bơi ma plơ̆ sĭt.

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Amôt 6:3

Khân may ƀư nar mhĭk ăn ngai, Jêh ri nau khân may ƀư ăn tơm nau ƀai gơnh tât!

Amôt 8:6

Gay he sŏk prăk rvăt phung o ach, Rgâl bunuyh ndĭt trơi sŏk đah du kôp ntâu jot Jêh ri tăch tât ma ba nsiăp đŏng.”

Mika 6:10

Hơi ngih djơh mhĭk, mâm Gâp dơi chuêl Jay drăp ndơ khlay mƀruh Jêh ri ndơ veh njing n'hŭch khư ma nau tâm rmot ma may?

I Samuel 5:1

Tơlah pit sŏk jêh Hip Nau Tâm Rnglăp Brah Ndu, phung Philistin djôt leo Hip Nau Tâm Rnglăp tă bơh Êbenêser tât ta Asdôt.