Amôt 3:6 - Nau Brah Ndu Ngơi 2023

⁶ Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Amôt 3:6 Iomraidhean Croise

Nau Ntơm 50:20

Khân may mĭn ƀư mhĭk ma gâp, ƀiălah Brah Ndu ăn nau nây jêng nau ueh gay ƀư du nau dôl tât geh nar aơ, nâm bu ntĭt mât njrăng nau rêh ma âk bunuyh tât jêh nar aơ.

II Phung Hađăch 6:33

Tâm nôk Y-Êlisê hôm e ngơi ndrel ma khân păng, bunuyh mbơh văch tât jêh ri lah ma păng: “Nau mhĭk aơ luh tă bơh Brah Yêhôva. Pôri, mâm ƀư gâp hôm kâp gân ma Brah Yêhôva?”

Êsai 45:7

Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Êsêkiêl 33:3

bunuyh nây saơ đao tât tâm bri dak păng uh nŭng gay mbơh ma phung ƀon lan.

Ndrom Samƀŭt bơh Ôsê 5:8

Uh hom rlet ta Gibêa, Uh nŭng ta Rama! Ăn khân may dat kuăl ăn bu njrăng ta Bet-Aven! Hơi Benjamin, phung rlăng gŭ pakơi may!

Amôt 3:5

Mâm dĭng sĭm geh tâm nhuăl bu nthăng ta neh Tơlah mâu geh ôh dăk sâm gay nhŭp păng? Tơlah păng mâu geh nhŭp du ntil ndơ ôh, Mâm dĭng nhuăl ntlư bơh neh?

Sôphôni 1:16

Nar geh bâr nŭng jêh ri nau nter tâm lơh Lĕ ƀon toyh pêr nâp jêh ri pôih tŭm prêh ta njônh mpêr ƀon.

Sakari 8:10

Yorlah lor panăp nar nây mâu geh ôh nau prăk nkhôm ma phung pah kan nđâp ma mpô mpa; yor ma phung rlăng hôm ŭch tâm rdâng, bunuyh nsong luh lăp mâu geh ôh đăp mpăn, yorlah Gâp hŏ ăn lĕ rngôch bunuyh tâm rdâng đah phung chiau meng păng.

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.