Amôt 3:12 - Nau Brah Ndu Ngơi 2023

¹² Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Amôt 3:12 Iomraidhean Croise

I Phung Hađăch 20:30

Phung tahan hôm klen nchuăt du krap tâm ƀon Aphek; ƀiălah lĕ mpêr ƀon rlâm, nklân bar rmưn pơh rbăn nuyh tahan hôm klen nây. Y-Ben-Hadat nchuăt du đŏng lăp tâm ƀon, krap ta du jrô ndâp.

I Phung Hađăch 20:34

Y-Ben-Hadat lah ma Y-Ahap: “Gâp mra mplơ̆ ma may lĕ ƀon mbơ̆ gâp sŏk jêh tă bơh mbơ̆ may, jêh ri may ndâk ngih tăch drăp ta Damas, nâm bu mbơ̆ gâp hŏ ƀư tâm Samari.” Y-Ahap lah: “Gâp sŏk dơn nau may hŏ tâm nkol aơ jêh ri mra ăn may hăn sĭt.” Pônây Y-Ahap ƀư nau tâm nkol đah Y-Ben-Hadat, jêh ri ăn Y-Ben-Hadat hăn sĭt.

I Phung Hađăch 22:25

Y-Mika lah: “May mra gĭt rah vah nau nây tâm nar may nchuăt tă bơh jrô aơ tât ma jrô ri gay du krap.”

II Phung Hađăch 16:9

Hađăch Asiri dơn nau Y-Ahas dăn, leo phung tahan păng hao lơh pit sŏk ƀon Damas, nhŭp phung ƀon lan tâm ƀon njŭn leo tât ma Kir jêh ri nkhĭt lơi Y-Rêsin.

Êsther 1:6

Lam n'gar kao, bu yông bok tôk nching ƀư ma dêh, bok ĭr; kât ma rse mhay rhên nglang jêh ri bok rvanh chăng ndor prăk jêh ri n'gâng lŭ marbrơ. Geh tâm ban lĕ sưng bê̆ch ƀư ma mah jêh ri prăk, dơm ta klơ gre ƀư ma lĕ ntil lŭ marbrơ, chăng, nglang, êr, jêh ri krăk

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Nau Mprơ Ơm 132:3

“Gâp mâu mra lăp ôh tâm ngih gâp, Mâu lĕ hao ta sưng bê̆ch gŭ rlu,

Êsai 17:7

Tâm nar nây, phung bunuyh mra mĭn ma Nơm Rhăk Njêng khân păng, jêh ri măt khân păng nge nger uănh ta Nơm Kloh Ueh Israel.

Êsai 31:4

Brah Yêhôva lah jêh ma gâp tâm ban pônây: “Tâm ban ma yau mŭr mâu lah kon yau mŭr rđuh ngrông nôk păng dơi nhŭp mpa jêh, Nđâp tơlah du phung rmăk biăp rgum tay gay tâm rdâng đah păng, Păng mâu klach ôh yor nau bâr nter khân păng, Mâu yor nau drơu drơu ƀư ăn khân păng klach krit; Kơt nây đŏng, Brah Yêhôva ma phung tahan mra jŭr văch Gay tâm lơh ta klơ yôk Siôn jêh ri ta klơ yôk păng.

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Amôt 9:8

Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.