Amôt 2:9 - Nau Brah Ndu Ngơi 2023

⁹ Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Amôt 2:9 Iomraidhean Croise

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Nau Rêh Jêng 1:14

jêh ri phung Jêbusit, phung Amôrit, phung Girgasit,

Ndrom Samƀŭt bơh Yôp 18:16

Tâm dâng reh păng kro, Ta klơ n'gĭng păng lĕ klêu jêh.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsêkiêl 17:9

Lah hom ma khân păng: ‘Kôranh Brah Yêhôva lah: Tơm krăk ƀâu chăt hao ueh lĕ? Klang nây mâu hĕ păng rôk lơi reh, grăch lơi play jêh ri ƀư kro lĕ ƀhiau n'ha nse păng mhe chăt lĕ? Mâu ŭch ôh geh nting tur dăng ktang, mâu lah âk bunuyh ri mơ ƀư rôk reh păng.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Kơp Bunuyh 32:13

Yor ri, Brah Yêhôva hao ji nuih ma Phung ƀon lan Israel, jêh ri Păng ƀư ăn ma khân păng hăn nsong blêng tâm bri rdah tâm puăn jât năm, kŏ tât nôk lĕ rô̆ phung ƀư nau mhĭk tanăp măt Brah Yêhôva lĕ rai lôch jêh.

Nau Vay Nkah Tay 1:28

Ta ntŭk he mra hăn? Phung oh nâu he đă hăn gay n'hut uănh n'gor, khăn păng hŏ ƀư rdja nuih n'hâm he, dôl khân păng lah: Phung ƀon lan nây jêng dăng ktang ngăn jêh ri juat lơn ma he. Lĕ ƀon toyh khân păng dĭ toyh, bât pêr nâp prêh tât ta trôk. Rlau ma nây hên saơ phung kon sau phung ƀon lan Anakim gŭ ta nây đŏng.’

Nau Vay Nkah Tay 3:11

(Knŏng geh Y-Ôk, hađăch n'gor Basan, phung Rêphaim, hôm rêh. Sưng bê̆ch hađăch nây ƀư ma loih mâu di hĕ păng gŭ ta ƀon toyh Raba phung kon sau Ammôn? Sưng bê̆ch nây jong rlau puăn met, dĭ du met pham.)

Yôsuê 10:12

Tâm nar Brah Yêhôva jao phung Amôrit tâm ti phung Israel, Y-Yôsuê ngơi ma Brah Yêhôva tanăp măt phung Israel pô aơ: “Hơi nar, gŭ nsrŭng hom ta klơ Gibêôn! Hơi khay, gŭ nsrŭng hom tâm rlŭng Aijalon!”

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.