Amôt 2:8 - Nau Brah Ndu Ngơi 2023

⁸ Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 2:8 Iomraidhean Croise

Nau Ngluh Êjipt 22:25

Tơlah khân may ăn phung o ach tâm phung ƀon lan Gâp manh prăk, lơi ƀư ôh ma khân păng nâm bu nơm tơm geh rnon, jêh ri khân may mâu đŏng dơi sa kao ma khân păng.

Êsai 57:7

May n'gân sưng bê̆ch may nơm ta klơ yôk dŭt prêh, Jêh ri may hăn hao ta nây nhhơr mpa ƀư brah.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 18:7

mâu tŭn jot bu ôh ƀiălah mplơ̆ sĭt ndơ nchăm ăn ma nơm geh rnon; mâu ntŭng ôh ndơ bu ƀiălah ăn piăng let ma nơm ji ngot jêh ri sâm nsoh bok ao ăn ma nơm rhôk;

Êsêkiêl 23:41

Ay gŭ ta klơ sưng bê̆ch ueh; panăp sưng nây geh du mlâm sưng sông jêh ri dơm ta klơ nây ndơ ƀâu kah jêh ri dak ngi ôlive Gâp.

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 10:7

Lơi dĭng mbah rup brah nâm bu ƀaƀă tâm phung khân păng, nâm bu nau hŏ nchih jêh: “Phung ƀon lan gŭ sông sa nhêt, Jêh nây dâk pâl ntalơ̆.”

I Kôrintô 8:10

Tơlah du huê geh nuih n'hâm sŏng rdja saơ may, jêng nơm geh nau gĭt rbăng, gŭ sa ndơ tâm jây rhŏ rup brah, mâu di hĕ bunuyh nây nsônh bu sa ndơ ƀư brah ma rup brah?

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.