Amôt 2:6 - Nau Brah Ndu Ngơi 2023

⁶ Brah Yêhôva lah: “Yor nau tih mhĭk Israel ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng hŏ tăch bunuyh sŏng srăng sŏk prăk, Tăch phung ndĭt trơi sŏk du kôp jep.

Amôt 2:6 Iomraidhean Croise

II Phung Hađăch 18:11

Hađăch Asiri njŭn leo phung Israel ma n'gor bri Asiri, dơm khân păng tâm ƀon Hala, ta kơh dak krong Habôr, tâm n'gor Gôsan, jêh ri tâm lĕ ƀon n'gor Mêdơ.

II Phung Hađăch 18:12

Nau aơ tât geh yorlah khân păng mâu tông tĭng ôh nau ngơi Yêhôva Brah Ndu khân păng, ƀiălah ƀư tih ma nau tâm rnglăp Păng. Khân păng mâu ŭch iăt jêh ri mâu đŏng ƀư tĭng lĕ rngôch nau Y-Môis, oh mon Brah Yêhôva, hŏ ntăm jêh.

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsêkiêl 22:13

Ri, Gâp mpang ti Gâp tâm ndơ mâu di may hŏ ƀư jêh ri ta mham hŏ hoch tâm nklang may.

Yôel 3:3

jêh ri tâm nchroh ma phung ƀon lan Gâp. Khân păng hŏ rgâl kon bu klâu ndăm ŭch sŏk bu ur văng tĭr, jêh ri tăch kon bu ur druh gay sŏk ndrănh nhêt.

Yôel 3:6

khân may tăch jêh phung ƀon lan Yuđa jêh ri ƀon Yêrusalem ma phung Grek, mprơh khân păng du luh bơh bri khân păng nơm.

Sakari 11:5

Phung rvăt biăp gay nkhĭt lơi mâu saơ ôh khân păng nơm geh nau tih, bi ma nơm tăch lah pô aơ: ‘Tâm rnê ma Brah Yêhôva, yorlah gâp hŏ jêng ndrŏng jêh!’ Pôri phung rmăk biăp mâu geh ôh nau yô̆ nđach djê̆ lê̆ ro ma khân păng.”