Amôt 2:4 - Nau Brah Ndu Ngơi 2023

⁴ Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Amôt 2:4 Iomraidhean Croise

II Phung Hađăch 17:19

Phung Yuđa mâu đŏng djôt prăp lĕ nau vay Yêhôva Brah Ndu ntăm khân păng. Khân păng hăn tĭng lĕ nau vay phung Israel hŏ nkra jêh.

II Nau Rêh Jêng 25:14

Jêh dơi tâm lơh đah phung tahan Êđôm, Y-Amasia plơ̆ sĭt, djôt leo phung brah phung Sêir, ndâk phung nây jêng brah ma păng, chon mbah jêh ri gŭch ndơ ƀâu kah tanăp măt phung brah nây.

II Nau Rêh Jêng 30:7

Lơi ta kơt nâm bu phung che jêh ri phung oh nâu khân may ôh, khân păng hŏ ƀư tih mâu ŭch gŭ răp jăp ma Yêhôva Brah Ndu phung chô yau khân păng, kŏ tât Păng ƀư rai jêh khân păng tĭng nâm khân may hŏ saơ jêh.

Nêhêmi 1:7

Hên hŏ ƀư jêh lĕ nau djơh mhǐk tâm rdâng đah Kôranh Brah, mâu djôt prăp ôh nau vay ntăm, nau vay dăp jêh ri nau vay ƀư bơh May hŏ ntĭnh nti jêh Y-Môis jêng oh mon May.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Yêrêmi 16:11

May ngơi hom ma khân păng pô aơ Brah Yêhôva lah: ‘Yor phung chô yau khân may hŏ chalơi jêh Gâp tĭng lĕ brah êng, hŏ pah kan jêh ri yơk mbah ma lĕ brah nây. Khân păng hŏ chalơi jêh Gâp, mâu djôt prăp ôh nau vay Gâp.

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:16

Yorlah khân păng dun jêh nau vay ƀư bơh Gâp, mâu tông nau vay dăp Gâp jêh ri ƀư ƀơ̆ jêh ma lĕ nar saƀat Gâp, yorlah nuih khân păng rle mpeh ma rup brah khân păng nơm.

Êsêkiêl 20:18

Gâp lah ma phung kon sau khân păng tâm bri rdah pô aơ: ‘Lơi ta khân may tĭng nau vay dăp mbơ̆ khân may, lơi djôt prăp nau vay ƀư mbơ̆ khân may, mâu lĕ djôt prăp nau khân păng ntĭnh mâu lah ƀư ƀơ̆ khân may nơm ma yor phung rup brah khân păng.

Êsêkiêl 20:24

yorlah khân păng mâu tông ôh ma nau vay ƀư Gâp ƀiălah chalơi jêh nau vay dăp Gâp, ƀư ƀơ̆ lĕ nar Saƀat Gâp jêh ri măt khân păng treng uănh ma lĕ rup brah phung chô yau khân păng.

Êsêkiêl 20:30

Yor nây, lah hom ma ngih Israel: ‘Kôranh Brah Yêhôva lah: Khân may mra ƀư ƀơ̆ êng khân may nơm tĭng nau phung chô yau khân may jêh ri khân may ƀư nau văng tĭr tĭng nau ƀơ̆ ƀơch khân păng lĕ?

Êsêkiêl 22:28

Phung nơm mbơh lor păng nsut ma klo mhĭng âk ta klơ khân păng ma nau tâm saơ dơm dam jêh ri ƀư nau n'hŭm pol mƀruh. Khân păng ngơi pô aơ: “Aơ jêng nau Kôranh Brah Yêhôva lah” tâm dôl Brah Yêhôva mâu mâp lah ôh.

Êsêkiêl 22:8

May mưch ma ndơ kloh ueh Gâp jêh ri ƀư tih lĕ nar saƀat Gâp!

Ndrom Samƀŭt bơh Ôsê 12:2

Êphraim mât mray sial, Ăp nar nchuăt tĭng sail luh nar. Ntop âk nau mƀruh jêh ri nau djơh rai; Khân păng ƀư nau tâm rnglăp đah bri Asiri Jêh ri djôt dak ngi rlet ma n'gor bri Êjipt.

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Ndrom Samƀŭt bơh Ôsê 6:11

Hơi Yuđa, may tâm ban lĕ, Du yan rek hŏ nal jêh ăn may, Tơlah Gâp leo phung ƀon lan Gâp plơ̆ sĭt tă bơh ntŭk jêng bu nă.

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Samƀŭt Pôl Njuăl Ăn Ma Phung Nsing Ta Ƀon Rôm 1:25

yorlah khân păng tâm rgâl nau ngăn Brah Ndu gay ma sŏk nau mƀruh; khân păng yơk mbah jêh ri pah kan ma ndơ njêng ntrok ma Nơm Rhăk Njêng, jêng Nơm khư tâm rnê n'ho ro! Amen.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.