Amôt 2:12 - Nau Brah Ndu Ngơi 2023

¹² “Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Amôt 2:12 Iomraidhean Croise

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 35:5

Gâp ndrăp lĕ yăng bêng ma dak ndrănh jêh ri kachok tanăp măt kon sau ngih phung Rêkap, jêh ri lah ma khân păng: “Nhêt hom ndrănh gâp aơ!”

Amôt 7:13

Ƀiălah lơi ngơi nau mbơh lor ôh ta Bêthel yorlah păng jêng ntŭk kloh ueh ma hađăch jêh ri jêng ngih brah ma ƀon bri hađăch.”

Amôt 7:16

Aƀaơ, iăt hom nau Brah Yêhôva ngơi: May nơm lah: ‘Lơi ngơi nau mbơh lor tâm rdâng ôh ma Israel jêh ri lơi mbơh nkoch tâm rdâng ôh ma ngih Y-Isăk.’

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Nau Kơp Bunuyh 6:2

“Lah hom ma phung ƀon lan Israel: ‘Tơlah du huê bu klâu mâu lah bu ur ƀư nau ton jêng du huê Nasirit gay prăp êng ăn păng nơm ma Brah Yêhôva,

Nau Kơp Bunuyh 6:3

păng mra ver ndrănh jêh ri ndơ nhêt geh ndrui; mâu dơi nhêt ôh srat ƀư tă bơh ndrănh mâu lah ndơ nhêt geh ndrui. Bunuyh nây mâu dơi nhêt ôh dak krăk ƀâu mâu lah sa krăk ƀâu nse mâu lah krăk ƀâu kro jêh.