Amôt 1:9 - Nau Brah Ndu Ngơi 2023

⁹ Brah Yêhôva lah: “Yor nau tih mhĭk ƀon Tyre ntop hôm ntop nau tih mhĭk Yor ri Gâp mâu rhuăt tay nau tâm rmal ma păng Yorlah khân păng jao lĕ phung ƀon lan ma Êđôm, Mâu kah gĭt ôh nau tâm rnglăp ndrăng oh nâu.

Amôt 1:9 Iomraidhean Croise

II Samuel 5:11

Y-Hiram, hađăch ƀon Tyre, prơh phung mbơh hăn tât ma Y-Đavit, djôt leo tơm si sêdar, jêh ri phung trah si, phung tơng châm lŭ gay rdâk ngih hađăch ma Y-Đavit.

Nau Mprơ Ơm 83:7

Phung Gêbal, phung Ammôn jêh ri phung Amalek, Phung Philistin đah phung gŭ tâm ƀon Tyre;

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 47:4

Yorlah nar mra tât Lĕ rngôch phung Philistin bu mra ƀư rai, Lĕ rngôch phung hôm klen gŭ rêh Sâm rklaih ƀon Tyre jêh ri ƀon Sidôn bu ngluh lơi khân păng. Yorlah Brah Yêhôva ƀư rai phung ƀon lan Philistin, Jêng phung hôm klen tă gôl dak mƀŭt Kaptôr.

Êsêkiêl 27:1

Geh nau Brah Yêhôva lah ma gâp:

Êsêkiêl 27:27

Tât nar ƀư rai yot may, Drăp ndơ, ndơ may tăch, nau may tâm tăch ngâl, Kôranh jêh ri bunuyh ƀĭt Kumpăn may, Phung sâm nkra kumpăn ma may, Phung tăch rgâl drăp ndơ đah may, Lĕ rngôch phung tahan may, Jêh ri lĕ rngôch phung ƀaƀă gŭ ta klơ kumpăn, Mra tŭp tâm nklang klŏng dak mƀŭt da dê.

Êsêkiêl 28:1

Geh nau Brah Yêhôva lah ma gâp:

Êsêkiêl 28:18

May hŏ ƀư ƀơ̆ ƀơch ntŭk kloh ueh may, Yor nau mhĭk may âk ngăn, Jêh ri yor nau may tăch rgâl drăp ndơ mâu geh sŏng ôh. Yor ri, Gâp hŏ ƀư ăn ŭnh du luh bơh ta nklang may Su rvăn may, Jêh ri Gâp hŏ ƀư ăn may jêng ŭnh buh ta neh Panăp măt lĕ rngôch phung uănh saơ.

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Apdia 1:11

Ta nar may dâk uănh phung rlăng sŏk pit drăp ndơ păng Phung bu năch lăp tŭn jot tâm mpông ƀon păng Jêh ri ƀư nau tâm nchroh tâm pă ƀon Yêrusalem May jêng nâm bu du huê tâm phung khân păng.

Sakari 9:1

Aơ nau mbơh lor: Nau ngơi Brah Yêhôva tâm rdâng đah bri Hadrak, Nau ngơi nây tâm rdâng đŏng đah bri Damas. Yorlah măt lĕ rngôch bunuyh jêh ri noi deh Israel N'gơr uănh ma Brah Yêhôva da dê.

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

Mathay 11:22

Pôri Gâp lah ma khân may, tât nar phat dôih, ƀon Tyre jêh ri ƀon Sidôn mra geh nau tâm rmal n'gơch lơn ma khân may.

Luka 10:13

Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may, dơi ƀư nâm bu ta ƀon Tyre jêh ri ƀon Sidôn, ri mơ khân păng hŏ nsoh ao ƀau, ndô buh jêh ri rmal nau tih jŏ jêh.

Luka 10:14

Pôri, tât nar phat dôih, ƀon Tyre jêh ri ƀon Sidôn mra dơn nau tâm rmal n'gơch lơn ma khân may.