Amôt 1:3 - Nau Brah Ndu Ngơi 2023

³ Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 1:3 Iomraidhean Croise

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 13:3

Yor ri, Brah Yêhôva ji nuih ma phung Israel, Păng jao khân păng tâm ti Y-Hasael, hađăch Aram, jêh ri tâm ti Y-Ben-Hadat, kon bu klâu Y-Hasael, tâm rnôk rô̆ bar hê phung hađăch nây chiă uănh.

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

II Phung Hađăch 16:9

Hađăch Asiri dơn nau Y-Ahas dăn, leo phung tahan păng hao lơh pit sŏk ƀon Damas, nhŭp phung ƀon lan tâm ƀon njŭn leo tât ma Kir jêh ri nkhĭt lơi Y-Rêsin.

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Ndrom Samƀŭt bơh Yôp 19:3

Lĕ jât tơ̆ jêh khân may nduyh lah gâp, Ƀư mhĭk ma gâp mâm khân may mâu bêk prêng?

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nơm Nti 11:2

Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Êsai 28:27

Yorlah bu mâu dong kumin jê̆ ma nôp, Mâu đŏng ăn jâng ndeh seh rlă ta kumin toyh; Ƀiălah bu dong kumin jê̆ ma mâng jê̆, Bu dong kumin toyh ma mâng jra.

Êsai 41:15

Aơ, Gâp mra ăn may jêng ndơ mprah ba Ƀă mhe ƀă hơr ngăn jêh ri geh âk sêk. May mra jot plên jêh ri ƀư nchah rai lĕ yôk, Ƀư ma phung yôk jêng tâm ban ma rhe.

Êsai 7:16

Yorlah êlor ma kon se nây blau dun nau mhĭk jêh ri săch nau ueh, pôri bri dak geh bar hê hađăch may klach nây mra jêng rngot njăp.

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Amôt 1:13

Brah Yêhôva lah: “Yor nau tih mhĭk phung kon Ammôn ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng lông jêh ndŭl phung bu ur dôl ntreo tâm n'gor Gilêat, Gay ƀư dĭ n'har bri khân păng.

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Amôt 1:9

Brah Yêhôva lah: “Yor nau tih mhĭk ƀon Tyre ntop hôm ntop nau tih mhĭk Yor ri Gâp mâu rhuăt tay nau tâm rmal ma păng Yorlah khân păng jao lĕ phung ƀon lan ma Êđôm, Mâu kah gĭt ôh nau tâm rnglăp ndrăng oh nâu.

Amôt 2:1

Brah Yêhôva lah: “Yor nau tih mhĭk Môap ntop hôm nau tih mhĭk Gâp mâu rhuăt tay nau tâm rmal bơh păng. Yorlah khân păng su jêh nting Hađăch n'gor Êđôm jêng klo.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Amôt 2:6

Brah Yêhôva lah: “Yor nau tih mhĭk Israel ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng hŏ tăch bunuyh sŏng srăng sŏk prăk, Tăch phung ndĭt trơi sŏk du kôp jep.

Sakari 9:1

Aơ nau mbơh lor: Nau ngơi Brah Yêhôva tâm rdâng đah bri Hadrak, Nau ngơi nây tâm rdâng đŏng đah bri Damas. Yorlah măt lĕ rngôch bunuyh jêh ri noi deh Israel N'gơr uănh ma Brah Yêhôva da dê.

Sakari 9:2

Nau ngơi nây hŏ lah đŏng ma ƀon Hamat, dăch n'har bri đah ƀon Damas, Jêh ri lah ma ƀon Tyre, ƀon Sidôn, jêng ƀon geh nau blau mĭn ngăn.