Amôt 1:2 - Nau Brah Ndu Ngơi 2023

² Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Amôt 1:2 Iomraidhean Croise

Nau Mprơ Ơm 29:4

Bâr Brah Yêhôva ktang ngăn; Bâr Brah Yêhôva rnam ngăn.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Hôr 20:2

Nau hađăch ji nuih toyh nâm bu yau mŭr rđuh ngrông; Mbu nơm nsônh hađăch ji nuih jêng ƀư nau mhĭk ma nau rêh păng nơm.

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 25:30

“Yor nây, ăn may gơnh djôt nau ngơi aơ mbơh lor tâm rdâng đah khân păng: ‘Bơh ntŭk prêh ta klơ, Brah Yêhôva hŏ nter troh, Păng hŏ ngơi, bơh ntŭk kloh ueh Păng nter huy tâm rdâng đah phung biăp Păng, Păng ntơm ngơi kuăl nâm bu phung jot play krăk ƀâu, Tâm rdâng đah lĕ rngôch phung gŭ ta neh ntu.

Yêrêmi 28:8

Ntơm bơh rnôk kăl e, lĕ rngôch phung nơm mbơh lor rnôk gâp jêh ri may hŏ mbơh lor ma nau tâm lơh, nau mhĭk tât, jêh ri nau ji tưp mra tât ma âk n'gor bri jêh ri ma lĕ bri dak toyh ktang.

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Yôel 1:19

Ơ Brah Yêhôva, gâp mbơh sơm ma May. Yorlah ŭnh sa rvăn jêh lĕ ndrêch gơ̆ nse tâm bri rdah, Chiông ŭnh hŏ su lĕ rngôch tơm si tâm mir!

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Amôt 9:3

Nđâp tơlah khân păng du krap tâm n'gơn yôk Karmel Gâp ăt mra hăn joi gay nhŭp khân păng; Nđâp tơlah khân păng pôn tâm dâng dak mƀŭt Gâp mra đă bêh dak mƀŭt chôk khân păng ta nây.

Nahum 1:4

Păng nduyh dak mƀŭt jêh ri ăn păng suăt ro, Păng ƀư ăn suăt lĕ rngôch dak krong. Bri Basan jêh ri yôk Karmel kro nhop da dê, Kao bri Liban mra nhop tâm ban lĕ.

I Samuel 25:2

Geh du huê bunuyh gŭ ta Maôn, bi drăp ndơn păng ta Karmel. Bunuyh nây ndrŏng ngăn ngên, păng mât rong pe rbăn mlâm biăp, jêh ri du rbăn mlâm be. Dôl păng kreh rsau biăp ta Karmel.