Amôt 1:14 - Nau Brah Ndu Ngơi 2023

¹⁴ Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Amôt 1:14 Iomraidhean Croise

II Samuel 11:1

Lăp yan kao jêng rnôk phung hađăch vay hăn tâm lơh. Y-Đavit prơh Y-Jôap ndrel phung tahan păng jêh ri lĕ rngôch phung Israel hăn tâm lơh; khân păng lơh rai phung Ammôn jêh ri nchueng jŭm ƀon Raba. Ƀiălah Y-Đavit hôm gŭ ta Yêrusalem.

II Samuel 12:26

Nôk nây taơ, Y-Jôap tâm lơh đah ƀon Raba, phung Ammôn, jêh ri dăch dơi sŏk jêh ƀon hađăch nây.

II Samuel 12:31

Bi phung ƀon lan gŭ tâm ƀon nây hađăch ăn bu njŭn leo khăn păng hăn pah kan jâk, dŏng ndruyh, kau loih, sung loih, jêh ri pah kan tâm năk ƀư ƀrĭk. Tâm ban ƀư pônây păng ƀư ma lĕ rngôch ƀon phung Ammôn. Jêh nây, Y-Đavit jêh ri lĕ rngôch phung tahan plơ̆ sĭt ma Yêrusalem.

I Nau Rêh Jêng 20:1

Lăp yan kao, dôl phung hađăch vay leo phung tahan khăn păng hăn tâm lơh, Y-Jôap leo phung tahan ƀư rai lơi lĕ n'gor Ammôn jêh ri văch tât nchueng jŭm ƀon Raba, Y-Đavit hôm e ta ƀon Yêrusalem. Y-Jôap rduh lơh jêh ri ƀư rai ƀon Raba.

Ndrom Samƀŭt bơh Yôp 39:25

Mâu uănh geh ma nau tŭn jot, mâu phit ro ma nau krit; Mâu plơ̆ rŭch ôh đah tra năp chiông đao.

Nau Mprơ Ơm 83:15

Pôri, ăn May sŏk vănh blông tĭng khân păng, Jêh ri nkrit nhhu khân păng ma sial phŭt pônây lĕ.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Yêrêmi 49:2

Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Êsêkiêl 21:20

gay ăn nuih n'hâm khân păng rai lêk jêh ri ƀư chêh prah. Gâp ăn dơm jêh đao rduh lơh tâm lĕ rngôch mpông khân păng. Vơ! mlâm đao dơi ƀư lơp nglaih, hơr mplanh gay ma nkhĭt bunuyh!

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Êsêkiêl 25:5

Gâp mra ăn ƀon Raba ƀư jêng ndrêch gơ̆ ăn ma seh samô jêh ri neh ƀon phung Ammôn ƀư jêng ntŭk rlu ăn ma phung biăp. Rnôk nây, khân may mra gĭt Gâp jêng Brah Yêhôva.’

Êsêkiêl 25:7

yor nây, aơ, Gâp hŏ yơr jêh ti Gâp tâm rdâng đah may. Gâp mra jao may jêng ndơ pit in ăn ma lĕ rngôch bri dak; Gâp mra ngluh lơi may tă bơh phung ƀon lan; Gâp mra ƀư rai may tă bơh bri dak. Gâp mra ƀư rai lơi may jêh ri may mra gĭt Gâp jêng Brah Yêhôva.’”

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Amôt 2:2

Gâp mra njuăl ŭnh tât ta Môap, Ŭnh mra su rai lĕ pôih nâp ƀon Kêriôt. Môap mra khĭt tâm nau uh ah. Ta nklang bâr lŭng nter jêh ri uh nŭng.

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Nau Vay Nkah Tay 3:11

(Knŏng geh Y-Ôk, hađăch n'gor Basan, phung Rêphaim, hôm rêh. Sưng bê̆ch hađăch nây ƀư ma loih mâu di hĕ păng gŭ ta ƀon toyh Raba phung kon sau Ammôn? Sưng bê̆ch nây jong rlau puăn met, dĭ du met pham.)