Amôt 1:13 - Nau Brah Ndu Ngơi 2023

¹³ Brah Yêhôva lah: “Yor nau tih mhĭk phung kon Ammôn ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng lông jêh ndŭl phung bu ur dôl ntreo tâm n'gor Gilêat, Gay ƀư dĭ n'har bri khân păng.

Amôt 1:13 Iomraidhean Croise

II Samuel 12:31

Bi phung ƀon lan gŭ tâm ƀon nây hađăch ăn bu njŭn leo khăn păng hăn pah kan jâk, dŏng ndruyh, kau loih, sung loih, jêh ri pah kan tâm năk ƀư ƀrĭk. Tâm ban ƀư pônây păng ƀư ma lĕ rngôch ƀon phung Ammôn. Jêh nây, Y-Đavit jêh ri lĕ rngôch phung tahan plơ̆ sĭt ma Yêrusalem.

II Phung Hađăch 15:16

Nôk nây, Y-Mênahem hăn tă bơh Tirsa tâm lơh Tipsa, nkhĭt lĕ rngôch phung gŭ tâm ƀon jêh ri lam nkual văr jŭm. Yorlah phung tâm ƀon nây mâu ŭch pơk mpông ƀon ma păng ôh, yor nây păng lơh ƀư rai lơi ƀon, jêh ri roch ndŭl proch lĕ rngôch bu ur ntreo tâm ƀon nây.

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

II Nau Rêh Jêng 20:10

Dôl phung ƀon lan Israel luh tă bơh n'gor Êjipt, May mâu ăn ôh khân păng hăn lăp tâm n'gor phung Ammôn, phung Môap jêh ri phung ta n'gor yôk Sêir, pôri phung Israel ndôn kơi tă bơh khân păng jêh ri mâu ƀư rai khân păng ôh.

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nau Mprơ Ơm 83:7

Phung Gêbal, phung Ammôn jêh ri phung Amalek, Phung Philistin đah phung gŭ tâm ƀon Tyre;

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Yêrêmi 25:21

Êđôm, Môap, kon sau Y-Amôn;

Êsêkiêl 21:28

Đơ phung hŏ ton jêh uănh nau pol knŏng jêng nau mƀruh dơm, ƀiălah hađăch mra nkah ăn khân păng gĭt nau mhĭk khân păng nơm ƀư khân păng hăn jêng bu nă.

Êsêkiêl 25:1

Geh nau Brah Yêhôva lah ma gâp:

Êsêkiêl 35:10

Yorlah may lah jêh pô aơ: “Bar ndŭl mpôl nây jêh ri bar bri dak nây mra jêng ndơ gâp jêh ri hên mra sŏk pha khân păng” nđâp lah Brah Yêhôva dôl gŭ ta nây.’

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Nau Vay Nkah Tay 2:19

Lah khân may tât dăch phung kon sau Ammôn, may lơi ôh tâm janh mâu lah rduh lơh khân păng, yorlah Gâp mâu mra ăn ôh n'gor phung Ammôn ma may jêng drăp ndơn. Gâp ăn jêh n'gor nây ma phung kon sau Y-Lot jêng drăp ndơn khân păng jêh.’