Amôt 1:1 - Nau Brah Ndu Ngơi 2023

¹ Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

Amôt 1:1 Iomraidhean Croise

II Samuel 14:2

Yor ri, Y-Jôap prơh bu hăn tât ta ƀon Têkôa, joi du huê bu ur me blau mĭn, jêh ri lah ma păng: “Ay jan lah ƀư bunuyh dôl geh nau klâng ndrê, nsoh kho ao klâng ndrê, lơi mhĭng ôh dak ƀâu kah. Ƀư hom nâm bu du huê bu ur me klâng ndrê jŏ nar.

I Phung Hađăch 19:19

Ntơm bơh nây, Y-Êli luh hăn jêh ri saơ Y-Êlisê, kon bu klâu Y-Saphat, dôl kai mir. Geh jât ma bar gu ndrôk dôl kai panăp Y-Êlisê, jêh ri păng nơm djôt gu ndrôk rơh jât ma bar. Y-Êli hăn rgăn jêh ri mƀăr ao jâr păng nơm ta klơ Y-Êlisê.

II Phung Hađăch 14:21

Lĕ rngôch phung Yuđa njêng Y-Asaria, hŏ geh jât ma prao năm, jêng hađăch chiă uănh thoi ntrok hađăch mbơ̆ păng jêng Y-Amasia.

II Phung Hađăch 14:23

Tâm năm rơh jât ma prăm rnôk rô̆ Y-Amasia, kon Y-Jôas, hađăch Yuđa chiă uănh geh Y-Jêrôbôam, kon Y-Jôas, ntơm ƀư hađăch Israel ta ƀon Samari. Păng chiă uănh puăn jât ma puăn năm.

II Nau Rêh Jêng 11:6

Hađăch ndâk njêng Ƀêtlêhem, Êtam, Têkôa,

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Ngluh Êjipt 3:1

Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Yêrêmi 1:1

Aơ jêng nau Y-Yêrêmi mbơh, kon bu klâu Y-Hilkia, du huê tâm phung kôranh ƀư brah gŭ ta Anathôt, n'gor Benjamin.

Yêrêmi 28:8

Ntơm bơh rnôk kăl e, lĕ rngôch phung nơm mbơh lor rnôk gâp jêh ri may hŏ mbơh lor ma nau tâm lơh, nau mhĭk tât, jêh ri nau ji tưp mra tât ma âk n'gor bri jêh ri ma lĕ bri dak toyh ktang.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Mika 1:1

Nau Brah Yêhôva lah ma Y-Mika, bunuyh ƀon Môrêset tâm nôk phung hađăch n'gor Yuđa jêng Y-Jôtham, Y-Ahas jêh ri Y-Hêsêkia, bơh lĕ nau păng tâm saơ ma ƀon Samari jêh ri ƀon Yêrusalem.

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Mathay 4:18

Dôl Brah Yêsu hăn njŏ tĭng kơh dak mƀŭt Galilê, Păng saơ bar hê nâu oh ri jêng Y-Simôn, kuăl đŏng jêng Y-Pêtrôs, jêh ri oh păng jêng Y-Andrê dôl seng jal tâm dak mƀŭt, yorlah khân păng jêng bunuyh vay seng jal.

I Kôrintô 1:27

Ƀiălah Brah Ndu hŏ săch lĕ nau rluk mâl tâm neh ntu gay ƀư bêk prêng phung blau mĭn; Brah Ndu săch jêh lĕ nau rdja tâm neh ntu gay ƀư bêk prêng phung ktang.