Tito 3:3 - Emberá Chamí

³ Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

Tito 3:3 Iomraidhean Croise

Mateo 21:29

Maud̶e chi warrba panausii: “¡Mʉ wãwẽma!” Maamina waya kʉ̃risiaped̶a trajad̶e wãsii.

Lucas 21:8

Jesusba panausii: —Kauwa nureásturu ab̶au bid̶a setaa kũruarãad̶amera. Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Mau awara chi ewari araa bamaa b̶uu ad̶ai. Maamina maarã baara wãrã́sturu.

Juan 8:34

Jesusba panausii: —Mʉʉba biawãra jaraaruu: kachirua wau nuree mau kachirua baita bari trajabadaurãbʉ.

Romanos 11:30

Machi judiowãerãba naed̶e Dachi Akõred̶e ijãad̶akau basii. Maamina judiorãba ijãad̶awẽa panuud̶eeba jãabae Dachi Akõreba machi kĩra chuburia b̶uu.

Romanos 6:12

Maud̶eeba chi kachiruamaa ida machi chibari babirã́sturu. Maka machi chi kakua biui b̶uuba kachirua wau kʉ̃ria b̶uu waud̶aabai.

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Colosenses 1:21

Kachirua wau panuud̶eeba machi mau naed̶e Dachi Akõred̶ebena awara nureasii maud̶e machiba kachirua kʉ̃risia panuud̶eeba Dachi Akõre kĩramaa panasid̶au.

Colosenses 3:7

Machi sid̶a eskareed̶e maka nibabachid̶au.

2 Timoteo 3:13

Maud̶e ẽbẽra kachiruarãba maud̶e waabenarã setaa kũruabadaurãba aude kachirua wau panad̶ai. Waabenarã setaa kũrua panad̶ai maud̶e waabenarãba ãchi setaa kũruad̶ai.

2 Timoteo 3:6

Mau ẽbẽrarã decha wãbadau wẽrarã kʉ̃risiaswãe nuree maud̶e kachiruaba boro wãyaa nuree setaa kũruad̶ai baita. Mau wẽrarãba joma kachirua wau kʉ̃riabadaud̶eeba barikia ijãabadau.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

Santiago 1:26

Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.

1 Pedro 1:14

Warr ũribaba nii kĩra panásturu. Nau kakuaba kachirua wau kʉ̃ria b̶uu waa waurã́sturu Dachi Akõred̶e ijãad̶awẽa panasiid̶e waubachid̶au kĩra.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 18:2

Naka jĩwa jarasii: «¡Babilonia puuru mechiu ãrisii! ¡Biawãra joma ãrikuasii! Ẽbẽrarã duanad̶amare, bari jãma chi jai kachirua nuréturu duanuu. Jãma joma jairã kachirúaturu duanuu. Joma chi Dachi Akõremaarã ibanarã miadáturu jãma duanuu.