Tito 3:1 - Emberá Chamí

¹ Ãbarãmaa kĩrababiáse nau iujãad̶ebena jaradea ua b̶uabadaurã juad̶e panad̶amera. Ãchiba jaraaduu ijãa waud̶ai panuu maud̶e ne joma biꞌia waud̶ai baita nuread̶ai panuu.

Tito 3:1 Iomraidhean Croise

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

2 Timoteo 1:6

Mʉ jua bichi ʉ̃rʉ kub̶usiid̶e Dachi Akõreba bichimaa deasii ichi baita ne waumera. Mau baita mʉʉba jaraaruu: Dachi Akõreba dead̶a biꞌia wau b̶uase, etabarrd̶e tʉbʉchia jãripuabarii kĩra.

2 Timoteo 2:14

Joma mau ãbarãmaa kĩrababia b̶uase. Dachi Akõre daad̶e jarase maarã barikia bed̶ea kakua kĩru id̶aa berrea panarãad̶amera. Mau kĩru id̶aa berreaba dachi aid̶akau, maumaarã chi ũri nureerãmaa kʉ̃risia kachirua kʉ̃risiabiabarii.

2 Timoteo 2:21

Dachi sid̶a ara mau kĩra panuu. Dachiba kachirua ida b̶uuduubʉrã, Dachi Mechiu baita biꞌia nuread̶ai. Maka dachid̶ebena ichiba ne poyaa waui maud̶e ne joma biꞌia waud̶ai baita nuread̶ai.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Tito 3:14

Dachi chi Cristod̶e ijãabadaurãba biꞌia wau kuitaa wãd̶ai panuu chi nejarr barauwãe nuree aid̶ad̶ai baita. Maka ara dachi bari nuread̶aabai.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

2 Pedro 1:12

Joma mau kuitaa panumina maud̶e chi biawãra bed̶ea ãrea ijãa panumina, mʉʉba joma mau machimaa kĩrababia b̶uai.

Judas 1:5

Mau joma kuitaa panumina mʉʉba kĩrababiai Dachi Mechiuba ichi puuru Egiptod̶ebena karibasii. Maamina karibasiid̶e chi ichid̶e ijãaped̶aad̶awãe nuree baribasii.