Tito 2:8 - Emberá Chamí

⁸ Biawãra bed̶ea jaradea b̶uase ab̶au bid̶a bichi ʉ̃rʉbena kachirua jararãad̶amera. Maka jaradea b̶uaibʉrã, bichi kĩramaabadaurã kĩrakayad̶ai. Ãchiba b̶aꞌãra bid̶a dachi poyaa kachirua jarad̶aabai.

Tito 2:8 Iomraidhean Croise

Marcos 12:17

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.

Marcos 12:28

Maka berrea panuud̶e Moisesba b̶ʉd̶a jaradeabarii Jesús kaita neesii. Mau jaradeabariiba ũrisii Jesusba saduceorãmaa biꞌia panaud̶a. Maud̶eeba id̶isii: —Dachi Akõreba waubi b̶uu bed̶ea jomad̶ebena ¿sãu chi aude mechiu b̶uma?

Marcos 12:32

Maud̶e Moisesba b̶ʉd̶a jaradeabariiba jarasii: —Biꞌia b̶uu, Jaradeabarii, bichiba jara b̶uu kĩra Dachi Akõre ab̶aburu nii, ichi aude june wãꞌãe.

Marcos 12:34

Moisesba b̶ʉd̶a jaradeabariiba mau kʉ̃risia kuitaad̶eeba jarasiid̶eeba Jesusba jarasii: —Bichi Dachi Akõreba ichid̶irã ichi juad̶e ua panuu kaita b̶uu. Makaed̶ebena ab̶auba Jesusmaa waya id̶id̶ai kʉ̃riad̶aabasii.

Lucas 13:17

Jesusba mau jarasiid̶e chi ichi ʉ̃rʉbena kachirua jara panuu ãrea perasid̶au, maamina ichiba ne kaebea bia wausiid̶eeba puurud̶ebenarã ãrea kĩrajʉʉ panasid̶au.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.

1 Timoteo 6:3

Ab̶auba ãyaa jaradearuubʉrã, Dachi Mechiu Jesucristoba jipa jaradead̶a makawãema aaruubʉrã, maud̶e dachi jipa nibad̶ai ʉ̃rʉbena sid̶a ãyaa jaradearuubʉrã,

Tito 3:14

Dachi chi Cristod̶e ijãabadaurãba biꞌia wau kuitaa wãd̶ai panuu chi nejarr barauwãe nuree aid̶ad̶ai baita. Maka ara dachi bari nuread̶aabai.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 2:15

Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.