Tito 2:3 - Emberá Chamí

³ Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

Tito 2:3 Iomraidhean Croise

Romanos 1:29

Ne joma kachirua waubadau. Mia pera b̶uu waubadau, ne joma uru panad̶ai kʉ̃riabadau, waabenamaa kachirua waubadau, waabenarãba uru panuu kakua kachirua kʉ̃risiabadau, mia beabadau, berreayaa panabadau, waabenarã setaa kũruabadau maud̶e waabenarã ʉ̃rʉbena kachirua kʉ̃risiabadau.

Romanos 16:2

Dachi Mechiu trʉ̃d̶eeba biꞌia irsibísturu ẽbẽrarã Dachi Akõred̶erãba waud̶ai panuu kĩra. Ichiba ẽbẽrarã ãrea aid̶asii. Mʉ sid̶a ãrea aid̶asii. Maud̶eeba ne jomad̶e ichi aid̶ásturu.

Efesios 5:3

Machi ẽbẽrarã Dachi Akõred̶erãd̶eeba machi kakuaba barikiu kachirua waud̶aabai panuu, kĩra nejasia waud̶aabai panuu maud̶e waabenarãba uru b̶ee kʉ̃riad̶aabai panuu. Mau ʉ̃rʉbena ab̶au bid̶a b̶istĩika bid̶a berread̶aabai panuu.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Timoteo 3:8

Ara mau kĩra ijãabadaurã aid̶abadaurã jipa nibad̶ai panuu ẽbẽrarãba wapead̶amera. Ãchiba setaa berread̶aabai panuu, itua biu nibad̶aabai panuu, maud̶e chi nejarra kʉ̃ria panad̶aabai panuu.

1 Timoteo 5:23

Bichi barikia kakua kachirua b̶uabariid̶eeba baníaturu dorã́se. Maumaarã uva b̶aa sid̶a bichi b̶i baita b̶istĩika dose.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Tito 2:4

Ãchiba awẽrarãmaa jaradead̶ai panuu ãchi kima, ãchi warrarã sid̶a kʉ̃riad̶amera, kʉ̃risia biad̶eeba jipa nibad̶amera, wẽra bia nuread̶amera, ãchi de biꞌia nud̶amera, sõbia nuread̶amera, maud̶e ãchi kimaba jaraaruu waud̶amera. Maka ab̶au bid̶a Dachi Akõre bed̶ea kachirua jarad̶aabai.

Hebreos 5:12

Machiba Jesusd̶e ijãaped̶aad̶a ãrea baaruu. Maud̶eeba id̶i machi Dachi Akõre bed̶ea jaradeabadau nuread̶ai panasid̶au. Maamina Dachi Akõre bed̶ea biꞌia adua panuud̶eeba poyaa biꞌia jaradead̶akau. Ab̶auba machimaa chi Dachi Akõre bed̶ea ʉ̃rʉbena naa jaradead̶a waya jaradeai b̶uu, ju dobiiruu kĩra. Machi warrarã kĩra nureed̶eeba, kiuru kod̶ai bad̶amaarã ju b̶aa dod̶ai panuu.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.