Tito 2:2 - Emberá Chamí

² Chõrarãmaa jaradease ãchi kakua jipa uru nuread̶amera, kĩra jipa nuread̶amera, kʉ̃risia biad̶eeba nibad̶amera, Cristod̶e ãrea ijãad̶amera, biawãra kʉ̃riad̶eeba nuread̶amera, maud̶e joma jãaduad̶amera.

Tito 2:2 Iomraidhean Croise

Marcos 5:15

Jesús b̶uumaa neesid̶aud̶e, mau mukĩra jai kachiruarã uru b̶uad̶a unusid̶au. Mau paru jʉ̃ped̶a akʉ b̶uu maud̶e kĩrabia b̶uu unusid̶aud̶e, perasid̶au.

Lucas 8:35

Ẽbẽrarãba ichiad̶e neesid̶aud̶e chi mukĩra jai kachirua ãrea uru b̶uad̶a Jesús jʉ̃rʉ jãka akʉ b̶uu unusid̶au. Paru jʉ̃ped̶a kĩrabia b̶uasii. Maud̶eeba ẽbẽrarã perasid̶au.

Hechos 24:25

Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».

Romanos 12:3

Dachi Akõreba ichi sõbiad̶eeba mʉ b̶usii ichi baita ne wau b̶uamera. Maud̶eeba mʉʉba machimaa nau jaraaruu: ab̶au bid̶a kʉ̃risiabai b̶uu ara ichi chi mechiu nii. Machiba Cristod̶e ijãaped̶aad̶ad̶eeba Dachi Akõreba machicha aꞌawaraa deasii ne waud̶amera. Maud̶eeba ichiba dead̶a kĩra machiba wau panuu biꞌia kʉ̃risiásturu.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

1 Corintios 9:25

Pirabadaurãba ãchi kakua nubadau chaarea nuread̶ai baita. Maka waubadau waabenarã audeara biꞌia pirad̶aped̶a boro jũra adaud̶ai baita. Mau boro jũra isa bʉʉbarii. Maamina dachiba ne joma biꞌia waubadau Dachi Akõreba deai jarad̶a bʉʉkau adaud̶ai baita.

2 Corintios 5:13

Waabenarãba jara panuu dai kĩranema nuree. Dai kĩranema panuubʉrã, Dachi Akõreba jara b̶uu waud̶ai baita maka panuu. Dai kĩrabia panuubʉrã, machi aid̶ad̶ai baita maka panuu.

Gálatas 5:23

waabenarã audeara biꞌia nuree kʉ̃risiad̶akau maud̶e dachi kakua jipa uru nureabadau. Mau ley wãꞌãe, joma mau jarad̶a «kachirua» ai baita.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.

1 Timoteo 1:10

junebena ome kãi topaneebadaurã baita, ãchi arab̶aurã ome mia pera waubadaurã baita, ẽbẽrarã jidaud̶aped̶a nedobʉibadaurã baita, setaa jarabadaurã baita, chi juez kĩraare setaa jarabadau baita maud̶e chi biawãra bed̶ea jara b̶uu waud̶akaurã baita.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

1 Timoteo 1:2

Timoteo, mʉʉba nau karta bichi baita b̶ʉʉruu. Mʉʉd̶eeba Cristod̶e ijãasiid̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba kĩra chuburia panad̶amera, ãchi sõbiad̶eeba aid̶a panad̶amera, maud̶e jirukaraayuwãe panabid̶amera.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

1 Timoteo 3:4

Ichi ded̶ebenarã ãrea nu kuitaa b̶uai b̶uu, ichi warrarã ũribaba nuread̶ai b̶uu maud̶e ãchiba ichi wapead̶ai panuu.

1 Timoteo 3:8

Ara mau kĩra ijãabadaurã aid̶abadaurã jipa nibad̶ai panuu ẽbẽrarãba wapead̶amera. Ãchiba setaa berread̶aabai panuu, itua biu nibad̶aabai panuu, maud̶e chi nejarra kʉ̃ria panad̶aabai panuu.

1 Timoteo 5:1

Chõrarã iadaarã́se, maumaarã bichi akõre ome berreabarii kĩra maarã ome sõbiad̶eeba berreáse ũrid̶amera. Kũudrãarãmaa berreáse bichi ãbarã ome berreabarii kĩra.

Tito 1:13

Mauba jarad̶a biawãrabʉ. Maud̶eeba mau ẽbẽrarã iadaa b̶uase biawãra bed̶ea ijãad̶amera, judiorãba nabẽraed̶ebena nebʉrʉbadau ida b̶ud̶amera maud̶e chi biawãra bed̶ea ijãad̶akaurãba jaradea panuu ijãarãad̶amera.

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

Tito 2:7

Joma biꞌia wau b̶uud̶eeba jomaurãmaa unubi b̶uase saka nibad̶ai panuu. Kʉ̃risia biꞌia jipa jaradea b̶uase.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;