Tito 1:4 - Emberá Chamí

⁴ Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

Tito 1:4 Iomraidhean Croise

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Juan 4:42

Ãchiba chi wẽramaa jarasid̶au: —Daiba ab̶aburu bichiba jarad̶a kakua ijãa panuuwãe, maumaarã ijãa panuu ichiba jaradea b̶uu ũrisid̶aud̶eeba. Daiba kuitaasid̶au ichi biawãra jomaurã karibabarii.

Romanos 1:12

Mʉʉba kʉ̃ria b̶uu dachiba arab̶au Cristod̶e ijãa panuud̶eeba chiya aid̶a panad̶ai karr chaarea panad̶ai baita.

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

2 Corintios 12:18

Mʉʉba Titomaa chi chuburia id̶isii machi ichiad̶e wãmera. Junebena ãba sid̶a ichi ome bʉisii. Ãchi wãsid̶aud̶e ¿Titoba machi setaa kũruaska chi nejarra adaui baita? ¿Daiba arab̶au kʉ̃risia uru panad̶aabaska? ¿Ara mau kĩra nibad̶aabaska?

2 Corintios 2:13

Maamina mʉ ãba Tito unuwẽed̶eeba jirukaraa b̶uasii. Maud̶eeba ãbarã ome araa ãbua neesiid̶e mʉ wãi asii. Ara makʉd̶e Macedonia druad̶aa Tito jʉrʉd̶e wãsii.

2 Corintios 4:13

Dachi Akõre bed̶ead̶e b̶ʉ kub̶uu: «Mʉʉba Dachi Akõred̶e ijãasiid̶eeba berreasii». Ara mau kĩra daiba Dachi Akõred̶e biawãra ijãa panuud̶eeba ichi ʉ̃rʉbena berrea panuu.

2 Corintios 7:6

Maamina Tito neesiid̶e dai kĩrajʉʉbiasii Dachi Akõreba chi kĩra nomaa nuree kĩrajʉʉbiabariid̶eeba.

2 Corintios 8:16

Mʉʉba Dachi Akõremaa ichíturu kid̶ibai abarii. Ichiba Titomaa sõd̶eeba machi kʉ̃ria b̶uabisii mʉʉba machi kʉ̃ria b̶uu kĩra.

2 Corintios 8:23

Barikiuba Tito ʉ̃rʉbena id̶iiruubʉrã jarásturu ichi mʉ baara nibabarii maud̶e mʉ ome machi tãed̶e Dachi Akõre traju wau b̶uu. Barikiuba chi maarã ome ʉ̃rʉbena id̶iiruubʉrã jarásturu chi ãbarãba maarã bʉiped̶aad̶arã maud̶e ãchi kakua Cristo ʉ̃rʉbena biꞌia berrea panuu.

2 Corintios 8:6

Maud̶eeba daiba Titomaa chi chuburia id̶isid̶au machimaa jarad̶e wãmera joma machiba sõbiad̶eeba dead̶ai aped̶aad̶a biawãra ped̶ai baita.

Gálatas 2:3

Maud̶e Tito mʉ ome b̶uu judiowãemina, ãchiba jarad̶aabasii ichi mukĩra chi kakua tõoi b̶uu.

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Efesios 1:2

Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

Colosenses 1:2

Mʉʉba nau karta b̶ʉʉruu ẽbẽrarã Dachi Akõred̶e, dachi ãbarã Jesucristod̶e ijãabadaurã Colosa puurud̶ebena baita. Daiba kʉ̃ria panuu Dachi Bajãad̶ebena Akõreba ichi sõbiad̶eeba machi kariba b̶uai maud̶e jirukaraayuwãe b̶uabiai.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

2 Timoteo 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶a. Ichiba mʉ bʉisii Dachi Akõreba deai jarad̶a chokae b̶uai ʉ̃rʉbena jarad̶e wãmera. Mau chokae b̶uai Jesucristod̶ebena b̶uu.

2 Timoteo 1:2

Timoteo, nau karta bichi baita b̶ʉʉruu. Mʉʉba bichi ãrea kʉ̃ria b̶uu mʉ warr kĩra. Kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a bichi kĩra chuburia panad̶ai, ãchi sõbiad̶eeba aid̶a panad̶ai maud̶e jirukaraayuwãe panabid̶amera.

2 Timoteo 4:10

Dachi ãba Cresente Galacia druad̶aa wã b̶uasii. Tito Dalmacia druad̶aa wã b̶uasii. Mau awara ãba Demasba chi nau iujãad̶ebena ãrea kʉ̃riasiid̶eeba mʉ ida b̶uped̶a Tesalónica puurud̶aa wãsii.

Tito 1:3

Maabae ichiba b̶ud̶a ewarid̶e mʉʉba jaradea b̶uud̶eeba ichi bed̶ea Cristo ʉ̃rʉbena biꞌia kuitaabisii. Mau bed̶ea Dachi Akõre chi Karibabariiba mʉʉmaa jaradeabisii.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.

2 Pedro 2:20

Jesucristo Dachi Mechiu maud̶e Dachi Karibabarii kuitaa panuud̶eeba nau iujãad̶e b̶uu kachiruad̶ebena karibasid̶au. Maamina jʉ̃karad̶e bʉra paneeduu kĩra waya kachirua wauduubʉrã, naa panad̶a audeara kachirua paneed̶ai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

2 Pedro 3:2

Mʉʉba kʉ̃ria b̶uu Dachi Akõre baita berreabadaurãba naa jaraped̶aad̶a machiba kĩrabad̶ayu. Maud̶e kʉ̃ria b̶uu Jesucristo Dachi Mechiu, Dachi Karibabariiba jarad̶a kĩrabad̶ayu. Mau ichiba bʉid̶arãba machimaa jaradeasid̶au.

1 Juan 5:14

Dachi Akõreba kʉ̃ria b̶uu kĩra dachiba ʉtaa id̶iiduubʉrã, kuitaa panuu ichiba ũribarii. Maud̶eeba ne wapeawẽa ichimaa ʉtaa id̶id̶ai panuu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.