Tito 1:3 - Emberá Chamí

³ Maabae ichiba b̶ud̶a ewarid̶e mʉʉba jaradea b̶uud̶eeba ichi bed̶ea Cristo ʉ̃rʉbena biꞌia kuitaabisii. Mau bed̶ea Dachi Akõre chi Karibabariiba mʉʉmaa jaradeabisii.

Tito 1:3 Iomraidhean Croise

Marcos 1:15

Naka jarabachii: «Ewari neesii. Dachi Akõreba ichid̶irã ichi juad̶e ua b̶eei. Machiba kachirua waubadau ida b̶ud̶aped̶a mau bed̶ea bia ijã́sturu».

Marcos 13:10

Maamina nau ewari neei naed̶e chi bed̶ea bia mʉ ʉ̃rʉbena joma puurucha jarad̶ai panuu.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Lucas 1:47

Mʉ ãrea kĩrajʉʉ b̶uu Dachi Akõre ome, mʉ karibabarii.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 17:26

»Ichiba ẽbẽra ab̶ad̶ebena ẽbẽrarã ãrea neebiasii joma nau druad̶e nuread̶amera. Ichiba b̶usii maarã ẽbẽrarã ab̶a sakaed̶e nuread̶ai maud̶e sama nuread̶ai.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 5:6

Dachiba ara dachi kachiruad̶ebena poyaa karibad̶awẽa panasid̶aud̶e ewari araa baaruud̶e Cristo dachi chi kachiruarã kakua biusii.

1 Corintios 9:17

Ara michi kʉ̃ria jaradea b̶uubʉrã, chi nejarra adaui b̶uu. Maamina ara michi kʉ̃ria jaradeawẽa b̶uu. Dachi Akõréburu mʉʉmaa jaradeabisiid̶eeba, mʉʉba makai b̶uu.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

Efesios 1:10

ichiba b̶ud̶a ewarid̶e maka joma waui: mau ewarid̶e ne joma bajãad̶ebena maud̶e nau iujãad̶ebena Cristo juad̶e b̶ui.

Efesios 2:17

Cristo neesii, chi bed̶ea bia Dachi Akõre ome jirukaraayuwãe b̶uai ʉ̃rʉbena machimaa jarai baita, chi Dachi Akõred̶ebena kaitawẽ panad̶amaa maud̶e chi Dachi Akõre kaita panad̶amaa.

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

1 Tesalonicenses 2:4

Maumaarã Dachi Akõreba biꞌia unud̶ad̶eeba dai iusii ichi bed̶ea bia jaradead̶amera. Maud̶eeba daiba jaradeaduud̶e, makad̶akau chi ẽbẽrarãba daimaa ichiad̶aped̶a, kʉ̃riad̶amera. Bari jaradeabadau dai Dachi Akõre baara biꞌia panad̶amera. Ichiba dai sõ kʉ̃risia unubarii.

1 Timoteo 1:1

Mʉ Pablobʉ, Jesucristoba bʉid̶a. Dachi Akõre chi Karibabariiba maud̶e Dachi Mechiu Jesucristoba mʉ naka b̶usid̶au. Ara mau Jesucristod̶eeba dachi biawãra biꞌia nuread̶ai kuitaa panuu. Dachiba Jesucristod̶e ijãabadau maud̶e ichi kakua biꞌia nuread̶ai kuitaabadau.

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

1 Timoteo 2:3

Maka ʉtaa id̶i panad̶ai biꞌia b̶uu. Dachi Karibabarii Dachi Akõreba mau biꞌia unu b̶uu.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Tito 2:10

Ãchi jaradea ua b̶uabariid̶e chiruad̶aabai panuu, maumaarã unubid̶ai panuu ãchiba ne joma jipa wau panuu. Maka ẽbẽrarãba kuitaad̶ai Dachi Akõre Karibabarii bed̶ea ãrea biꞌia b̶uu.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Apocalipsis 14:16

Ara makʉd̶e chi jʉ̃rʉara ʉ̃rʉ akʉ b̶uad̶aba neko jũria b̶uuba ara jua ab̶a tuuruba joma nau iujãad̶e tarisii.