Tito 1:15 - Emberá Chamí

¹⁵ Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

Tito 1:15 Iomraidhean Croise

Mateo 15:18

Maamina ẽbẽra okarrd̶ebena cheeruu ichi sõd̶ebena wãbarii. Maud̶eeba ẽbẽra kachirua b̶eebibarii Dachi Akõre daad̶e.

Hechos 10:15

Chi mimiba waya jarasii: —Chi Dachi Akõreba biꞌia b̶ud̶a mau miadaa b̶uu a jararã́se.

Romanos 14:14

Mʉ Dachi Mechiu Jesucristo ome b̶uud̶eeba biawãra kuitaa b̶uu ab̶a bid̶a chiko kachirua b̶uuwãe. Maamina ab̶auba barikia chiko koi kachirua kʉ̃risiaruubʉrã, ichiba mau koobai b̶uu.

Romanos 14:20

Machiba chiko ko panuud̶eeba Dachi Akõreba ab̶au sõd̶e waud̶a ida b̶urã́sturu. Biawãra Dachi Akõre daad̶e chiko joma biꞌia b̶uu. Maamina chi chiko kakua ab̶au kachiruad̶e b̶aebid̶ai biꞌia b̶uuwãe.

Romanos 14:23

Maamina chi «Nau koobai b̶uu» a kʉ̃risia b̶uuba mau kooruubʉrã, ichi sõd̶e kachirua b̶eei, mau kachirua waui b̶uu kʉ̃risia b̶uud̶eeba. Biawãra chi dachiba wau panuu jipa b̶uuwãe a kʉ̃risia panuubʉrã, maka wauduud̶e, kachirua wau panuu.

1 Corintios 10:23

Waabenarãba jara panuu «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu: ne joma waui b̶umina joma dachiba wau kʉ̃ria b̶uuba dachi aid̶akau. Biawãra joma dachiba wau kʉ̃ria b̶uu waui b̶umina joma mauba ãbarã aid̶akau.

1 Corintios 10:25

Kiuru nedobʉibadaumare nedobʉid̶a joma kod̶ai panuu. Maamina id̶irã́sturu mau kiuru chi Dachi Akõre kuenda juaba ne kaped̶aad̶amaa deaped̶aad̶a bad̶a kuitaad̶ai baita, mau biꞌiwãe b̶uu a kʉ̃risia panuud̶eeba.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 8:7

Maamina waabenarãba mau sõd̶eeba kuitaad̶awẽa panuu. Waabenarã ãbarãba wabid̶a kʉ̃risia panuu chi juaba ne kaped̶aad̶a ãchiba naed̶e kʉ̃ria panad̶a chokae panad̶a. Maud̶eeba chi juaba ne kaped̶aad̶arãmaa ãnimara kiuru dead̶a kooduubʉrã kʉ̃risiabadau maarãd̶e ijãaduu. Chi biawãra bed̶ea ãrea adua panuud̶eeba mau ãnimara kiuru ko panuud̶eeba kʉ̃risiabadau Dachi Akõre daad̶e kachirua paneeduu.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.