Mateo 9:6 - Emberá Chamí

⁶ Dachi Akõreba mʉ, chi Ẽbẽra Ba B̶uad̶a b̶usii nau druad̶e panuuba kachirua waubadau perdonabiamera. Mau machimaa unubiai. Ara makʉd̶e chi b̶akara bʉʉ niimaa naka jarasii: —Jiraduse. Chi bichi jira adoebadau adauped̶a deed̶aa wãse.

Mateo 9:6 Iomraidhean Croise

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Mateo 9:5

Machimaarã ¿sãu bed̶ea aude chaarea b̶uma jarai baita? ¿Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a nibabii?

Mateo 9:7

Ara makʉd̶e chi b̶akara bʉʉ b̶uad̶a jiraduped̶a deed̶aa wãsii.

Marcos 2:10

Dachi Akõreba mʉ, chi Ẽbẽra Ba B̶uad̶a b̶usii nau iujãad̶e duanuuba kachirua waubadau perdonabiamera. Mau machimaa unubiai». Ara makʉd̶e chi b̶akara bʉʉ niimaa naka jarasii:

Marcos 2:7

«¿Nau sakãe jãka berrea b̶uma? ¡Dachi Akõre daad̶e kachirua berrea b̶uu! Ab̶a Dachi Akõréburu ẽbẽraba kachirua waud̶a poyaa perdonabarii».

Lucas 5:21

Mau ũrisid̶aud̶e aria panuu fariseorãba maud̶e Moisesba b̶ʉd̶a jaradeabadaurãba naka jarasid̶au: «Jãu ¿kai kʉ̃risia b̶uma? ¿Sakãe maka Dachi Akõre daad̶e kachirua berrea b̶uma? Ab̶a Dachi Akõréburu ẽbẽraba kachirua waud̶a poyaa perdonabarii».

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 5:27

Mau awara mʉ b̶usii jomaurã ichiamera, mʉ chi Ẽbẽra Ba B̶uad̶a niid̶eeba.

Juan 5:8

Jesusba jarasii: —Jiraduse. Chi bichi jira adoebadau adauped̶a deed̶aa wãse.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Hechos 9:34

Maud̶e Pedroba jarasii: —Eneas, Jesucristoba bichi aribiabisii. ¡Jiraduse! Bichi kʉd̶a tõse. Ara makʉd̶e Eneas jiradusii.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.