Mateo 9:37 - Emberá Chamí

³⁷ Maabae ichi baara nibabadaurãmaa jarasii: —Biawãra nau ẽbẽrarã ne uud̶a ãrea chau kub̶uu kĩra nuree. Maamina chi trajabadaurã b̶aꞌãra panuu.

Mateo 9:37 Iomraidhean Croise

Mateo 20:1

»Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ewarimaa drua chibari ab̶a wãsii trajabadaurã jʉrʉd̶e ichi drua uva uud̶ad̶e trajad̶e wãi baita.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Mateo 9:38

Maud̶eeba chi ne uud̶a Chibarimaa id̶ísturu trajabadaurã ichi ne uu nub̶uumaa bʉikamera.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Lucas 10:2

Maarãmaa naka jarasii: «Nau ẽbẽrarã ne uud̶a ãrea chau kub̶uu kĩra nuree. Maamina chi trajabadaurã b̶aꞌãra panuu. Maud̶eeba chi ne uud̶a Chibarimaa id̶ísturu trajabadaurã ichi ne uu nub̶uumaa bʉikamera.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Hechos 16:9

Ẽsabud̶aa Dachi Akõreba Pablo daumaa unubisii ẽbẽra Macedonia druad̶ebena ʉkʉ nub̶uu. Mau ẽbẽraba Pablomaa naka chi chuburia id̶isii: «Macedoniad̶aa dai aid̶ad̶e neese».

Hechos 18:10

Mʉ bichi ome b̶uu. Ab̶au bid̶a bichi poyaa kachirua waubai, mʉʉba ẽbẽrarã ãrea nau puurud̶e uru b̶uud̶eeba».

1 Corintios 3:9

Mʉʉba Apolos ome arab̶aud̶e Dachi Akõre traju wau panuu. Machi sid̶a Dachi Akõred̶e ne uu nub̶uu iujãabʉ. Mau awara machi Dachi Akõreba de wau b̶uu kĩra nuree.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Colosenses 4:11

Maud̶e ãba Jesús, Justo abadauba jarabʉi b̶uu machi biꞌia panad̶ai. Ãbarã judiorãd̶ebena mau õbea panuuba nama mʉ aid̶a jaradea panuu Dachi Akõreba ichid̶irã ichi juad̶e ua b̶uu ʉ̃rʉbena. Mau ãbarã kakua mʉ kĩrajʉʉ b̶uabarii.

1 Timoteo 5:17

Chi ijãabadaurã nubadaurãba biꞌia wau panuud̶eeba ãbarãba kʉ̃risia biad̶eeba maarã aid̶ad̶ai panuu, ne uru panad̶amera. Maarãd̶ebena chi Dachi Akõre bed̶ea jaradeabadaurã maud̶e dachi saka nibai ʉ̃rʉbena jaradeabadaurã, aude aid̶ad̶ai panuu.

Santiago 5:4

Machi ne uu nub̶uud̶e trajabadaurãmaa chi nejarra dead̶awẽa panuu ãchi traju bare. Maud̶eeba ãchiba Dachi Akõremaa ʉtaa id̶i panuu kastikamera. ¡Ũrísturu! Dachi Mechiu chi joma poyaa wau b̶uuba ũrisii maarãba ʉtaa id̶iped̶aad̶a.