Mateo 9:35 - Emberá Chamí

³⁵ Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Mateo 9:35 Iomraidhean Croise

Mateo 10:1

Jesusba ichi baara nibabadaurã 12 ãbua iukuasii. Maabae ãchimaa chi poyaabarii dead̶akasii jai kachiruarã ichi trʉ̃d̶eeba duabʉikad̶amera, kakua kachirua nuree maud̶e kakua puꞌua nuree aribiabiad̶amera.

Mateo 11:1

Jesusba ichi baara nibabadaurã 12 panuumaa jaradeaped̶a arabena wãsii jaradead̶akad̶e mau druad̶ebena puurucha.

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Marcos 1:14

Juan chi Boro Eabarii jʉ̃a b̶uasiid̶e Jesús Galilea druad̶aa wãped̶a chi bed̶ea bia Dachi Akõre ʉ̃rʉbena jaradeabachii.

Marcos 6:56

Ichi wãaruumaacha ẽbẽrarãba ẽpermo nuree adoebachid̶au. Puuru kaebeurãd̶e, puuru b̶eed̶e maud̶e puuru awarad̶e maka waubachid̶au. Od̶e nub̶ubachid̶au maud̶e Jesús wãyaa wãaruud̶e, chi chuburia id̶ibachid̶au ichi anab̶ari jʉ̃barii id̶e waubiamera. Joma ẽpermo nureeba mau wauduud̶e aribiabachid̶au.

Marcos 6:6

Ichi puurud̶ebenarãba ijãad̶aabasiid̶eeba Jesusba ãrea kʉ̃risia b̶eesii. Jesusba puurucha jaradea nibasii.

Lucas 13:22

Jerusalend̶aa wãaruud̶e Jesusba puuru mechiud̶e maud̶e puuru kaebeud̶e jaradeasii.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.