Mateo 9:33 - Emberá Chamí

³³ Jesusba mau jai kachirua duabʉisiid̶e chi bosara nibad̶a berrea kob̶eesii. Mau unusid̶aud̶e, chi aria panad̶aba kãare kʉ̃risiad̶ai adua basiid̶eeba jarasid̶au: —¡Israeld̶e wabid̶a nau unud̶akau!

Mateo 9:33 Iomraidhean Croise

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Mateo 9:32

Biawãra dau pãriu panad̶a wãaduu nid̶aud̶e ẽbẽra bosara nii maud̶e jai kachirua inii eneesid̶au.

Marcos 2:12

Ara makʉd̶e chi b̶akara bʉʉ b̶uad̶a jiraduped̶a ichi jira adoebadau adauped̶a jomaurã daad̶e wãsii. Maud̶eeba jomaurãba kuitaa kʉ̃risiad̶aabasii maud̶e Dachi Akõremaa biꞌia berrea duaneesid̶au. Naka jarasid̶au: —¡Nau kĩra dachiba unud̶aka basii!

Lucas 11:14

Earab̶a Jesusba jai kachirua duabʉisii. Mau jai kachiruaba ẽbẽra bosara babi b̶uasii. Chi jai kachirua wãsiid̶e chi bosara nibad̶a berreasii. Mau unusid̶aud̶e ẽbẽrarãba kãare kʉ̃risiad̶ai adua basii.

Lucas 7:9

Mau ũrisiid̶e Jesusba ichi ʉ̃rʉbena biꞌia kʉ̃risiasii. Maud̶eeba chi ichi baara wãaduumaa ichiaped̶a jarasii: «Mʉʉba jaraaruu: nau ẽbẽraba ãrea ijãa b̶uu kĩra, israeld̶ebena ab̶a bid̶a unukau».