Mateo 9:22 - Emberá Chamí

²² Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Mateo 9:22 Iomraidhean Croise

Mateo 15:28

Maabae Jesusba jarasii: —Wẽra, bichiba biawãra ijãa b̶uu mʉʉba bichi kau poyaa aribiabii b̶uu. Maud̶eeba bichiba kʉ̃ria b̶uu kĩra mʉʉba waui. Ara makʉd̶e chi kau aribiasii.

Mateo 17:18

Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Mateo 8:13

Maabae Jesusba kokoroarã jaradea ua b̶uabariimaa jarasii: —Deed̶aa wãse. Bichiba ijãa b̶uu kĩra mʉa waui. Ara makʉd̶e chi kokoroarã jaradea ua b̶uabarii chi chibari baita bari trajabarii aribiasii.

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Mateo 9:29

Maabae Jesusba ãchi dau wauped̶a jarasii: —Mʉʉba waui machiba ijãa panuu kĩra.

Marcos 10:52

Maud̶e Jesusba jarasii: —Wãse. Bichiba ijãasiid̶eeba aribiasii. Ara makʉd̶e chi dau pãriu nibad̶a unu kob̶eesii. Maabae Jesús baara od̶e wãsii.

Marcos 5:34

Maud̶eeba Jesusba ichimaa jarasii: —Kau, biawãra ijãasiid̶eeba bichi aribiasii. Jirukaraayuwãe wãse bichi ẽpermo b̶uad̶a aribiasiid̶eeba.

Lucas 17:19

Maud̶e Jesusba chi ẽbẽramaa jarasii: —Jiraduped̶a wãse. Bichiba biawãra ijãasiid̶eeba anisii.

Lucas 18:42

Jesusba jarasii: —Unu b̶eese. Bichiba ijãasiid̶eeba aribiasii.

Lucas 7:50

Maud̶e Jesusba wẽramaa jarasii: —Bichiba mʉʉd̶e ijãasiid̶eeba kachiruad̶ebena karibasii. Jirukaraayuwãe wãse.

Lucas 8:48

Maud̶e Jesusba jarasii: —Kau, bichi aribiasii, mʉʉba maka waui b̶uu biawãra ijãasiid̶eeba. Jirukaraayuwãe wãse.

Juan 4:53

Maud̶e chi akõreba kuitaasii ara makʉd̶e Jesusba bichi warr aribiasii asii. Maabae ichiba maud̶e joma ichi ded̶ebenarãba Jesusd̶e ijãasid̶au.

Hechos 14:9

Mau ẽbẽraba ũri akʉ b̶uasii Pabloba Jesús ʉ̃rʉbena berreamaa b̶uu. Pabloba maumaa ichiaruud̶e kuitaasii ichiba biawãra ijãa b̶uu Jesusba ichi poyaa aribiabii.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.